زوجه حائرة ومتلخبطهوعايزة نصيحه

مساء الخير عليكم
انا مشكلتى تظهر انها بسيطه ومش محتاجه اى تفكير ......لكن انا من كتر التفكير تعبت لدرجة انى خلاص دماغى هتنفجر ....... لانى مشكلتى دى بتتكرر كتير وعلى فترات
الحقيقه انا زوجة وام لثلاث اطفال منهم طفلة عمرها 4 شهور ... الحقيقه ان زوجى مش مهتم بالمرة بيه مع العلم انه دايما عايزنى ادلعه واخد بالى منه وانا بحاول اعمل كده انا المسئوله عن كل حاجه فى حياته لبسه وكل حاجه تقريبا انا بعملها معه كمان لما بتعب او بمرة بفترة مرضيه بتحصل المشكله الكبرى ومش بلاقى زوجى جنبى بالعكس بيزعل ويغضب ويبعد ومش بيهتم يعمل معايا اى حاجه ولما اعتبه او اكلمه تحصل المشكله الكبرى وابقىء انا الغلط وانا اسلوبى زفت وكلامى قرف ......... وطبعا التعب ده مش بيتكرر لا كل الحكايه حصل مرتين بالظبط منهم مرة اثناء الحمل ومرة تانيه حصل تموق فى الاربطه لرجلى..... انا من النوع اللى ممكن يجى على نفسه لما يتعب يعنى للشديد القوى ........ ودلوقتى هو غضبان منى علشان انا عندى تمزق فى الاربطه فى رجلى وبحاول اتحرك بصعوبه بالرغم من ان الدكتور منعنى من الحركه
وعلشان زعلت انه مش بيساعدنى فى المطبخ لو حتى يحضر معايا السفرة زعل وغضب
وبياكل لوحده وبيقعد لوحده ومش بيكلمنى وكمان مش بياكل من اكلى اناكمان سكت ومش اتكلمت معاه بس انا خلاص مش قادرة اسكت .... اعمل ايه ؟؟؟؟؟؟؟؟؟

اولا انتى نورتينا
بصي يا حبيبتى اغلب الرجاله عندها شئ من الانانيه بطبيعتهم بيتعاملوا كاطفال بس انتي زودتى الموضوع بانك عمرك محسستيه بتقصر علي حساب نفسك طبعا ده جزاءه كبير عند ربنا بس بالمعقول والتصرف دلوقتى بغض النظر عن اللي فات هوه متوقع انك هتروحي تجري تصالحيه وتضغطي علي نفسك ده يبقي غلط لان الحياه لازم فيها ان الطرفين يقفوا جنب بعض فرايي الشخصي سيبيه مهما عاند فتره وهتلاقيه جه يصالحك لازم يحس بالفرق اللي بتعمليه ومتتحايليش عليه سيبيه شويه انتى مش غلطانه بس السكوت ادل رد لا خناق ولا عتاب في الظروف دي الصمت هوه اللي بيعالج المشكله اصبري عليه بس لازم يحس انك زعلانه ولو جه يكلمك ويعاتبك عرفيه انه ده وجبه هوه انه يراعيكي وانه المفروض يساعدك في عياكي ويخاف عليكي للاسف ساعات بعض من القسوه بيبقي علاج بس بهدوء وبنفس الوقت متقصريش علي اد ما تقدري يعنى عقبيه بالسلوك الهادي كلامك معاه بحدود ومتسعيش انتى الاول للكلام حسسيه انك زعلانه ومتغيره صدقينى بيعمل نفسه مش واخد باله بس بعد فتره هيبدا يفكر ويعالج المشكله يارب يهدي لك الحال يا حبيبتى بس اعرفي ان ده طبع اغلب الرجاله مش جوزك بس بس بنحاول نقومهم شويه

كوكي
بجد انحني لكي احتراما و ارفع لك القبعة

كوكي رأيك حازم فعلا لسه بعض الرجاله بتسؤ فيها لما بتلاقي دلع
الرجاله بطبعهم جادين والستات متساهلين
لما تلاقيه باظ منك عامليه بطريقته يرجعلك تاني غلطان ويعرف ان اللي بيعمله معاك ده وحش اوي
عاقبيه بطريقته وهو هيعاقب نفسه علي انه عمل معاكي كدا
نصيحه علي قدي يعني ونظريه انا عن نفسي بعملها مع خطيبي

زوجك اناني
ومش يهمه غير نفسه
كوكي قالت المفيد

كلامى كوكى صح مية بالمية

ياكوكى وبجد انتى روووعة

مبسوطه جدا انى دخلت المكان الصح بس انا محتاجه جدا اتكلم معاكى يا كوكى
لانى مش عارفه خالص اتعامل مع جوزى ده لانى فعلا دلعته اكتر من اللازم ومش عارفه اخد معاها حق ولا باطل كمان محتاجه اعرف اذا كنت صح ولا غلط بليز انا محتاجه النصيحه والمشورة محتاجه حد يدلنى على الطريق الصح وخاصة انى مش عايزة اخسر حياتى ...... انا اتنزلت كتير عن حقوق ليه وضحية وجيت على نفسى دالوقتى لو اتكلمت عن حقى ابقىء ست نكديه ومش من حقى مش عارفه بجدا انا فعلا نكديه ولا انا غير كده بليز ردى عليه يا كوكى عايزة اعرف ردك وعايزه استشيرك لو حتى ابعتيلى السكاى بى بتاعك وانا ابعتلك اضافه وكلمينى لان فعلا انا جوزى محتاج انى اقومه ..............شكرا

بصي يا حبيبتى في المرحله اللي بيوصل فيها الراجل انه اتعود علي اكتساب كل شئ بدون ادنى مجهود بيبقي سهل اوي انك تحسسيه بالفرق اسحبي حاجات اللي اتعودتى تعمليها بمعنى انتى مثلا بتتضغطي علي نفسك وانتى عيانه صح ؟ خلاص متضغطيش وده علي فكره بيبقي تعود من ناحيتك قبل تعود من ناحيته هتقابلي صعوبه في الاول انك تغيري عاداتك بمعنى انك تاخدي بالك من نفسك اكتر وافتكري ديما انك لما هتضغطي علي نفسك في شبابك هيجي عليكي في شيخوختك مش هقولك اهملي بس لما تكون حاجه مش مهمه قللي منها يعنى لو بتطبخي اصناف كتير يوم عياكي فوتى وقولي ليه هات اكل من بري معرفشي عاداتك ايه بس المرض لازم يقدره مع السن مش هتبقي بنفس صحتك وهو هيبقي اتعود يبقي خلاص مش هتلاقي غير القسوه دربيه ودربي نفسك انك توقفي التضحيات لفتره بدون لا خناق ولا زعيق ولو لامك خليكي بارده زي الثلج مهما رمي كلام عليكي قولي تعبانه وبس فهمانى متزوديش متقوليش انت مش حاسس بيه او او لا لا خالص سيبيه يحس باالفرق مع نفسه مع فتره مش هياخد باله علي فكره هتلاقي الواجبات بتاعته بتزيد وواجباتك بتقل او بمعنى اصح المسئوليات بالتدريج من غير ما يحس فاهمانى هتاخد وقت بس بالصبر هيتحسن بدون اي تعليمات منك الفعل ضروري لا بالكلام وقفي الكلام والعتاب خالص خدي مواقف وبدون خناق اللي بيخلي اي راجل يا جماعه يوصل لكده التعود علي الاخذ بدون مقابل وكمان انك بتشيلي مسئولياته وده عكس اللي ربنا وصي بيه كل واحد عارف اللي ليه واللي عليه ابداي ارمي من جديد مسئولياته عليه عارفه انه هيتاخر وممكن متتعملشي في وقتها واحنا حاميين مش قضيه اصبري وامسكي اعصابك واستمري في الطريقه ديه بعد فتره اللي مكنتيش بتعمليه لو عملتيه هيبقي بجميله فهمانى هتلاقي الاوضاع اتقلبت بس الكلام ده عايز صبر وانك نفسك تتغيري مش هوه بس وهحاول اعملكم موضوع عن كيفيه التعامل مع الزوج الاناني الغير متحمل للمسئوليه من رايي الشخصي باذن الله وياريت تساعدونى بمواقف معينه ونرد فيها احسن وسيله للتصرف في الموقف بعينه ان شاء الله

http://www.wasafatcleopatra.com/t23369-topic

عملت موضوع لكل الاميرات الحائرات شاركونى فيه وبدون اسماء لو تحبوا ونتناقش مع بعض كلنا وهنلزكم رايي كل يوم بجزء من الحياه كيف نتعامل مع ازواجنا

طيب يا كوكي ايه هي اصلا مسئوليا الزوج و مسئوليات الزوجة؟؟؟؟؟
عشان شكلي انا كمان عملت كده من دلوقتي واحنا مخاطيب