نصائح للحفاظ على شعرك من التساقط والضعف

نصائح كيف تحافظي على شعرك من التساقط والضعف؟
================================
اليكي بعض من نصائح مصففى الشعر حول ضعف و تساقط الشعر و العنايه به
أسباب ضعف الشعر
فيه أسباب كتيرة لضعف الشعر، ومن الأسباب الرئيسية اللي بتسبب مشكلة الشعر الخفيف هي الربط العنيف للشعر واستخدام الزيوت في دهان الشعر والقشرة وكمان التغذية السيئة، وخاصة إن معظم الأكل اللي بناكله اليومين دول مليان بنسبة كبيرة من الهرمونات اللي بتأثر جداً على طبيعة الشعر.

حددي سبب المشكلة قبل العلاج
لازم قبل ما ناخد أي علاج، نحدد السبب في المشكلة وبعد كده ناخد العلاج المناسب، وحتى لو استعملنا الفيتامينات فيفضل إننا نستخدم الفيتامينات اللي بيتم وضعها على فروة الرأس، ويا ريت نبتعد تماماً عن الفيتامينات اللي بتتاخد عن طريق الفم لإنها ممكن تضر حاجات تانية في الجسم.

نصائح للعناية بالشعر
بينصح مصففى الشعر كل البنات إنهم يبعدوا عن الشامبوهات اللي بتكون شامبو وبلسم في نفس الوقت لإن ده من أسباب ضعف الشعر، ويفضل إنها تستخدم الشامبو لوحده والبلسم لوحده.
كمان لازم ياخدوا بالهم من إنهم ما يغسلوش شعرهم بمية سخنة جداً لإن الحرارة العالية دي بتضعف الشعر وبتسبب تساقطه، وبلاش كمان استعمال زيوت للشعر بعد الحمام لأن تزييت الشعر ده بيمنع فروة الرأس من إنها تفرز زيوتها الطبيعية، لكن لو أي بنت عايزة تدي لشعرها شكل لامع ممكن تستخدم السيرم.

انا شعري الايام ديه بيقع بطريقه فزيعه من التوتر ربنا يستر بينزل بطوله هجرب شويه وصفات ربنا يكرمك

نصائح غاليه جزاكى ربى الفردوس الاعلى وجميع أعضاء المنتدى يااااااااارب العالمين

ياقمر على النصايح الحلوه ديه

تسلم ايديكى

اخواتي العزيزات
ارجوكم ساعدوني شعري بيتساقط بكثره ومابعرف شواعمل استخدمت الكثير من الوصفات لكن دون جدوى
نوع شعري عادي لادهني ولاجاف طويل ناعم جدا خفيف والشعره عندي رفيعه جدا وضعيفة البنيه ارجوكم ساعدوني