رد: حمله اشتري مصري يوم الجمعه 16 ديسمبر العروض الموجوده

12.12.11 23:24

تسلمي يا حبيبتى يارب ينفع بلدنا بخير

12.12.11 23:47

واااااااااااااااااااااااااااااااااو انا اول مرة اسمع عن الموضوع ده يارب يبارك فيها مصر بلدنا يارب ويبارك فيكى يا كوكيه ويبارك فيكم كل يا اميرات انا حاسة انى مش فى الدنيا بس هى الظروف يارب يسترها مع كل المصريين والحال يتصلح يارب

13.12.11 0:03

يارب يوفقكم ومصر تعلى

وياريت كما هنا نعمل زيكم وفى كل البلاد العربية عشان نقطع الخواجة ونبقى عربى 100%

13.12.11 0:56

حاجه جميله جدا وياتره مفيش احذيه ان شاء الله كلنا لازم ننزل ونشجع اهل بلاديومنتج بلادي

13.12.11 1:03

تسلموا ليه يا اميرات
ايمي الله وحشانى ربنا يهون عليكي يا حبيبتى معلشي فتره وتعدي باذن الله واحنا عينك يا قمر ان شاء الله هنبعتلك كل جديد متقلقيش وراكي رجاله هههههههههههه
ياريت يا ام انتصار بجد ننشر الحمله لكل البلاد العربيه وانت ابدائي بنفسك محدش هيحب بلادنا اكتر مننا يالا كله يشتري منتج بلده ويشجعه
عروض جديده يا بنات
إشتري مصري

محلات ميس اميرة بسوق ابو العباس التجارى بالاسكندرية تعلن عن خصم 15% يوم الجمعة 16/12/2011

مجموعة الزلبانى مصر (محلات و مصانع الزلبانى) تدعم حملة اشترى المصرى و تقدم خصم 10% و حتى 25% على كافة منتجاتها المصرية

شركه اتلانتك اكسبرس للنقل البحرى تقدم تخفيض 10% على كل شحنه من كافه
فروعنا بالولايات المتحده الامريكيه الى جميع موانئ جمهوريه مصر العربيه
يوم الجمعه 16 ديسمبر 2012

كل محلات مؤمن خصم 10% يوم الخميس و الجمعة و السبت

مصر للطيران تخفض 20% على رحلاتها يوم 14 و15 و16 ديسمبر

13.12.11 1:05

FIRST_MAM كتب:حاجه جميله جدا وياتره مفيش احذيه ان شاء الله كلنا لازم ننزل ونشجع اهل بلاديومنتج بلادي

بس
قالوا امبارح احسن جلود المصري بجد الصينى احتلنا حتى الجزم صينى حاجه بجد تخنق انزلى اشتري وانتي بتشتري اسالي علي الحاجه التصنيع المصري وجلد مصري اكيد هتلاقي

13.12.11 1:18

ايوا كده يا راندا هو ده الشغل الجامد

حتى لو اشترينا كيس ملح او باكو لبان اكييد بردو هيساهم ف رفع الاقتصاد
كمان انا سمعت من شوية ف برنامج القاهرة اليوم ان محافظ القاهرة هيقفل شوارع معينة مخصوص لبيع المنتجات والسلع ال هتعمل خصم يعنى شارع واحد ممكن نلاقى فيه كذا منتج
فعلا يا سارة انا بردو خطيبى قلى امبارح ان المنتجات المصرية عندهم قليلة اوى هو ف الكويت بس قلى هدور ع منتج مصرى لحد ما الاقى واشتريه

يلالالالالالالالالالالالالالالالالالالالالالالالالالا يلالالالالالالالالالالالالالالا يالالالالالالالالالالالالا

منتج مصرى منتج مصرى للبيع

يلالالالالالالالالالا ياهانم يالا يا بيه منتج مصرى للبيع

13.12.11 1:22

الله عليكى يا كوكى انا من انبارح عرفت وتابعت عمرو اديب النهاردة والله عيونى دمعت من الكلام اللى قرأته دلوقتى بعد برنامج القاهرة اليوم يارب دايما مرفوعة الرأس يا مصر يا أم الدنيا ولازم نعمل كده واكتر كمان عشان تخرج من المحنة دى وتعدى على خير وكفاية مليونيات ونخليها مليونية لاعمار مصرنا مليونية اشترى مصرى وايد على ايد هتساعد انشاء الله وجنيه على جنيه يكبر ويزيد ويقف امام الذولار ويخفيه يااااااااااااارب العلو لمصرنا حبيبتنا وكل الوطن العربى ادعوا وقولوا يااااااااااارب

13.12.11 6:47

هدى ياقمر وحشتينى كتير
فعلا الحاجات بره قليله بس هدور وهشترى ان شاء الله
ربنا يعليكى يامصرنا

13.12.11 8:45

كويس والله فكرة حلوة خالص ولو دامت كل جمعه هتبقه احسن وهتعطى نتائج افضل ان شاء الله وربنا ينصر مصر وشعب مصر