عايزه اسمع راي المتزوجات

انا كنت بحب واحد والظروفه مسمحتش اننا نتجوز فسبنا بعض ودلوقتي متقدملي عريس بس انا اعرفو شكلا بس متعملتش معاه قبل كده هو يعرف بابا وكلمو عليا وبابا موافق عليه بس بابا قال لو دخل البيت وقعدتومع بعض لازم تتممي الموضوع  وهوموافق عليه جدا وناس كتير بتشكر فيه انا كان نفسي احب قبل متجوز واتجوز عن حب في ناس بتقول ان الحب بيجي بعد الجواز انا مش عارفه الكلام ده صح ولا لا ارجوكو انصحوني وايه الحاجات الي لما اشوفها فيه اعرف انه انسان كويس وهيسعدني بعد الزواج  

بصي يا حبيبه قلبي الجواز مش السعاده في الحب بتاع الافلام بس لازم قبول وتوافق اجتماعي ودينى لكن الحب لوحده مش بيستمر بنفس الحراره اللي في اي بدايه للحب فلوو اخترتى علي اساس الحب بس مش هتتوفقي اوي في الجواز ولو الحب قل هتلاقي العيوب بتظهر اوي بس بالنسبه لو قعدتى معاه وبداتي تتعرفي عليه ومرتحتيش متكمليش شوفي ايه اسلوبه في التعامل والفاظه وبيئته دخلته عليكم البيت بتبين حاجات كتير اعرفي عن اسرته كتير وعن اخواته ومامته وباباه هتقري كتير من حياته وطبعا الامكانيات الماديه اللي تقدري تتعايشي معاهه وديه بتختلف من حد للتانى في واحد تقبليه وممكن تبداي تتكلمي معاه وواحد تقولي لا يمكن اشوفه اصلا لكن الحب بحرارته المعهوده مش شرط لزواج ناجح يا رب يكون ردي ساعدك

بصي يا حبيبتي الحب مش هو اساس الجواز في حاجات كتير جدا معاه التوافق الاجتماعي الثقافي الديني التفكير انا كنت زيك كان في واحد بيحبني واتقدملي ومحصلش نصيب واتقدملي واحد وما كنتش اعرف غير شكله زيك كدا وبشهادة الناس عنه انه انسان كويس اتخطبنا ودلوقتي لو اقولك ان نساني كل اللي فات وبحبه حب دلوقتي بقي هو حياتي كلها
يارب يحمهولي ويبركلي فيه ويحيينا في بعضنا كل يوم اكتر من اليوم اللي قبله
وربنا يوفأك لما فيه الخير لكي وشوفي نفسك مرتاحه للموضوع ولا لا

مش كفاية شهادة الناس لازم انتي تتعاملي معاة وتعرفي عنة حاجات اكتر وربنا معاكي

اهم حاجه القبول ومش معنى انه يدخل البيت يبقى لازم توفقى عليه اكيد لاه
وبعدين الحب حاجه والجواز حاجه تانيه
لان حب المراهقه اكيد مختلف عن حب الزواج
وربنا يكتبلك الصالح

شكرا يا كيلوباترا علي رايك بجد افدتيني

ولشريكه العمر ربنا يوفقك في حياتك وتعيشو في حب علي طول وشكرا علي رايك

اكيد فعلا شهاده الناس مش كل حاجه بس هي بطمنك شويه من ناحيه الانسان   انا عارفه ان حب المراهقه ده مش بتاع الجواز بس بردو لما تكوني بتحبي زوجك بتخليكي تستحملي حاجات كتير ولو مفيش حب بتبقي اقل مشكله بتحصل بتبقي صعبه ان شاء الله هقعد معاه وهقولكم ايه لي حصل وبشكركو كلكو علي ردودكم

قال رسول الله ص "اذا اتاكم من ترضون دينه وخلقه فزوجه"
المهم ان يكون اخلاقه كويسه وطبعا اكيد ده والدك يقدر يعرفه واهم حاجه انه يتقى الله فيكى لان الحب حاجه والعشره بعد الجواز حاجه تانيه