رد: حملة عودة الانــــوثة : خلاااااص كفاية عك .. هنهتم بنفسنا وهنبقى بنات بجد ::

10.12.11 11:21

انا كمان معاكى يا قمر

مستنين الباقى

حملة عودة الانــــوثة : خلاااااص كفاية عك .. هنهتم بنفسنا وهنبقى بنات بجد :: - صفحة 2 569333

10.12.11 18:06

طييييب يا برينسيسات هنبدأ دلوقتي
***********
لأ ماتفتكريش هقولك هاتي زيت زيتون و كباية نشا ويلا نعمل ماسك

لأ هنبدأ الاول بالرغي
للأسف لازم أبدأ ارغي شوية

***************

بصي يا حبيبتي
دلوقتي انتى ايه ؟؟؟ انتى بنــــــــــــــت .... يعني ايه بنت ؟؟؟؟ البنت دي عبارة عن كذا حاجة فوق بعض

البنت = أنوثة + رقة + جمال (وده اللى هنتكلم عليه دلوقتي ) + جسم رشييييييييق + خفة فى الحركة + دلـــــــــــــــــــع + صوت ناعم + وطبعا اهم حاجة البنت أخلاااااااااااااااق وتدين

اولاااااا ......... انتى جميلة
اه والله من غير ما أشوفك انتى جميلة لازم تقتنعي بالموضوع ده
لو انتى مش شايفة نفسك جميلة والله ماحد هيشوفك كده لو عملتي ايه
هو ربنا عملنا كده يا جماعة
ربنا خلقنا جميلاااااااااااااااااااااات

الموضوع موضوع مقاييس جمال

يعني مثلا ممكن تكوني للأسف من الثقافة المتخلفة المنتشرة ف عقول بعض الناس شايفة ان مقياس الجمال هو البياااااااااض وبس

غلط غلط غلط
والله أجمل جميلات العالم لونهم مش أبيض بس .. لأ في برونزي في قمحي في اسوووود حتى

لو وشك مش عاجبك يبقى انتى اللى مخلياه كده

انتى اللي بتسهري و بتشربي ليل نهار قهوة وشاي و تاعبة نفسك نفسيا و جسديا وعايزة مايبقاش عندك هالات !
انتى اللى بشرتك دهنية ومش مهتمة بيها وعايزة مايطلعلكيش حبوب
انتى اللى شفايفك مقشفة وبايظة ومش هاين عليكي تحطي زبدة كاكاو حتى !!!!!!!!!!

انتى انتى انتى انتى

مشاكل كتير كتير كتير .... بس والله نقدر نتغلب عليها
وانا هنا بتكلم عن جمال الوجه

لكن لو بصينا بقى للجمال اللى بجد هيبقى روحك

(الحلاوة حلاوة الروح يا حبيبتشي ) لا لا مش قصدي بالطريقة دي

انا قصدي ان شخصيتك بتمثل 50% من جمالك الموضوع بينقسم بين الوش و الروح

شخصيتك اكيد اكيد اكيد في حاجة فيها عايزة تغيريها و مش قادرة صح ولا لأ ؟؟؟؟؟؟؟؟

بصوا هنتكلم اكتر عن تغيير الشخصية
انا بس عايزة اننا نبدأ النهاردة تمرين صغيييييير اووووووووي و هيعجبكوا بس انتوا اقتنعوا بيه

***********

كللللللللللللل علماء النفس وعلماء التنمية البشر بلا استثناء أجمعوا على ان العقل الباطن هو المتحكم ف سعادة شخص من عدمها لان العقل الباطن مادام اقتنع بحاجة يبقى هتأثر عليكي للأبد

انتى لو شبه الغولة و عقلك الباطن مقتنع انك جميلة هتبقي جميلة ف عيون الناس .... ليه ؟؟؟ لأنك هتتصرفي زي الجميلات ... كلام غريب و مالوش معنى صح ؟!!!

بصي هنبدأ التمرين ويمكن أكتركوا عارف التمرين ده

الادوات : مراية

الخطوات : 1- اقفي قدام مرايتك و تنحي لنفسك شوية .... " يووووه شعري وحش اوي " ... " اووووف ايه كمية البثور السودا اللى عندي دي " ... " انا شفايفي رفيعة ووحشة اوي " .... " عينيا مالهاش منظر وشكلي وحش " ........ لأأأأأأأأأأأأأأ أبوس اييييييييييييييدك مش عايزين الكلام ده نهاااااااااااااائيا كل الكلام السلبي ده ارميييييييييه فى الشارع .

2- ابتسمي فى المراية وقولي بصوت لا هو عالي ولا واطي " بس اتأكدي انك قافلة الباب أحسن يقولوا البنت اتجننت " قولي : أنا أنثى جميلة ... أنا أنثى جميلة

3- وانتى بتقولي الجملة دي بصي لكل حاجة حلوة فيكي ... أكيد أكيد أكيد عندك حاجة حلوة !!!!!!! .... خلي كلللللللللل تركيزك على الحاجة الحلوة دي ... قولي جملة أنا أنثى جميلة وحسيها ... مش تقوليها كده وخلاص كأنك بترددي تحية العلم فى المدرسة .... لأ حسي بالكلمة بجد واقتنعي بيها 100% .... انتى جميلة يابنتي احلفلك على المصحف يعني ؟؟؟ والله جميلة بس لازم دمااااااااااغك تقتنع بالموضوع ده .

*************

الحركة دي اعمليها كل يوم الصبح لمدة 5 دقايق .... شايفة 5 دقايق بس !!!!!!!!

********************

ممكن تجربي ؟؟؟؟ ماتقوليش ده كلام فارغ وتمشي .... والله يا بنات وربنا العالم انا أعرف بنات كتير تلاقيهم ملامحهم مش اللى هو واااااااااو اوووووووووي يعني ... بس بجد لما تتكلمي معاها و تشوفيها بتتصرف بطريقة معينة و تشوفي ثقتها بنفسها تحسيها أجمل جميلات العالم

انا ايام دروس ثانوي كان معايا بنت كده اول ما بدأت احضر الدرس كانوا بيقولوا ان كل الولاد عايزين يكلموها ... طبعا البنت محترمة ومابتكلمش حد
المهم اول ماشفتها قولت مع انها عادية يعني !!!

قعدت معاها مرتين مش أكتر بجد بجد جااااااااااااااذبية غير طبيعية البنت واثقة من نفسها بطريقة كويسة جدااااااا و على الانوووووووووووثة اللي فيها أنوثة قاتلة لدرجة انى والله بعدها بقيت لما أشوفها أحس انها من أجمل البنات اللى شفتهم ف حياتي شكلا وموضوعا !!!!

منقول

10.12.11 18:38

يا منمن يا قمر لذيذ اوى

10.12.11 19:19

حلو اوىىىىىىىىىىىىى الموضوع وبجد مجهود رائع شكرا

وان شاء الله هبدا التنفيذ من النهارده بجد موضوعك جه فى وقته الواحد كان خلاص فقد الثقه فى نفسه خاااااااااااااااااااااااالص قبلاتى

10.12.11 20:17

موضوع اكتر من رائع وانا اكيييييييييييييد معاكى وهنفذ كل اللى هتقولى عليه تسلم ايدك والله

12.12.11 0:03

انا معاكى بس ازاى اشترك معاكى واعرف الجديد عندك شكرا

12.12.11 0:16

مني انتي مش كاتباه منقول و ماديتيش اي اشارة لانك واخدة الكلام من اي حد تاني
من حق صاحبتي عليا اني ادافع عن تعبها
اسم الحملة هو هو مع فارق جملة خلاص كفاية عك
و البداية هي هي
كوبي و باست
copy & paste
مهو يا انتي هي
يا انتي واخداه مننا مع اننا عاملين الجروب سري
من فضلك اكتبي منقول
لضمان حقها هي المعنوي

12.12.11 9:53

موضوع حلو فعلا بس عرفينا الموضوع ده من عندك ولا منقول
وتسلم ايدك

12.12.11 10:02

سرسوره بالراحه ياجميل
انتى اتصلى بزميلتك وااكدى انها مش هى
وبعد كده ابعتى لمنى رساله على الخاص
هى ممكن عشان جديده مش عارفه القوانين
واى حد يدخل يعرفها بس بالراحه ياقمر
ربنا يديم صحبتنا ومحبتنا ومافى شئ يفرق بينا

12.12.11 12:00

يا جميل

ومستنين الجديد