أنا عَايزاك

أنا عَايزاك ..ـ
تكون لي الِعيلة و الَلمة
تكون الُنور ... بَدل عتمة
و يوم ما أبعد .. تكون لي قَريِب
و يُوم مَا أرجع ..
تكون .... [ الحُضن ] و الضَمة


تكون ناسي ... و تاج راسي
أميري
و كُل حُراسي
و وِسع الدُنيا مَا يساعنا

أنا عَايزاك
نَصيبي
و قَدري والقِسمة
و خير مِن رَبي
و النِعمة

أنا عَايزاك تكون كِلمة
نَطقها [ العِشق ] ..... و إتسمىَ

و شُوف ....... عَايزاك
تكُون حاضِر ..
تكُون ماضي
تكُون لي الخِصم ....
و القاضي
تكُون غَضبان ..
تكُون راضي
تكُون لي ضَميري ...
و الذِمة

أنا عَايزاك تكُون فِيا
أكون الطِير .. تكُون غِية
تداوي جُروحي ... مِن رُوحي
تقول حُبك ..
و قَبليا

خُلاصة القُول ..ـ

أنا عَايزاك تكُون [ ليا ]..ـ


لـِ عَزيزة عَلي

جميله تسلم ايديكى

جميلة اوي اوي