انا مخنوقه وعايزه اخد رايكم

سلام عليكم انا اتكتب كتابي من 3 شهور وكان المفروض اتجوز الايام دي بس والده توفي من شهر ونص وفتاجل الفرح لشهر 9 الي جاي علشان يكون فات سنه تقريبا هو معاملته متغيرتش كتير عن ايام الخطوبه حاجات بسيطه بس يعني الاهتمام قل شويه يعني عن الاول بس هو بردو طيب وحنين زي ما هو المشكله انه عندو سوبر ماركت بس هو ماجر المحل مش مشتريه وكان عندهم بيت هو واخوه كان بيقولو انهم هيبعوه ويشترو محل ملك علشان يبقي بتعهم يعني وعلي اساس كده وافقت دلوقتي بيقول انهم هيبيعو البيت علشان يبنو شقق لاخواته الصباين في البيت بتعم وممكن يجبو تاكسي يشغلو حد عليه يعني كمشروع بس انا شايفه ان ده مش حاجه مضمونه وانه لما يكبر مش هيكون في حاجه تجيب فلوس لينا زي معاش مثلا او لو جراله حاجه لقدر لله انا عارفه اني طولت عليكم بس انا مش عارفه اقوله راي انه بلاش يستعجلو ويبعو البيت دلوقتي ولا اقوله انه المفروض يعمل زي ما كان قايلي انه يشتري محل ليهم احسن مع العلم انه مش هو الي قايلي انا عرفت من اخته ولا المفوض مخفش ولا ازعل من حاجه زي دي ون الموضوع الفلوس دي مش حاجه مهمه في الجواز وايه هي الصفات الاساسيه في الزوج

بصي يا حبيبتى الرزق بتاع ربنا بس انهم يشتروا محل فكره حلوه بس اتناقشي معاه وشوفى فكره ايه وخليه يصلي استخاره ربنا هيدله علي الصح باذن الله مقياس الزواج تختلف من انسانه للتانيه انا رايي انه ميكنشي اقل ابدا منك اجتماعيا ويكون عنده االاسس الاولى للزواج وتوافق اجتماعي وطبعا كل واحده بتقدر تعرف اللي تقدر تستحمله واللي متقدرشي يعنى ممكن واحده تقبل المفروش وهي عارفه انها هتنقل كل فتره وفى واحده لا تقبل المهم الاختيار تكونى اده وعمرك ما تقولي له يا ريتنى لان ده قمه الشرخ اللي بيحصل بين الازواج يعنى بمعنى بتحبيه وهتستحملي ظروفه وحبك ليه هيخليكي تستحملي ولو مش حسه بكده متقوليش يمكن يتحسن يمكن لا شوفى درجه احتمالك للحياه ده الجواز في نظري وتعرفي ان المسئوليات متبادله وتحمل المسئوليه بيزيد بعد الزواج والدين طبعا اولا قبل اي حاجه ويليها التكافئ الاجتماعي والراحه النفسيه

ربنا يوفقكوا يا حبيبتى ويوسع رزق زوجك ويرزقوا من الحلال رأيى متتكلميش فى الماديات ديه خصوصا انها بينه وبين اخواته وهو ما قالكيش عليها يعنى ما اتفقش معاكى عليها ده كلام كانت اخته بتقوله وربنا ييسر لك امرك ويجمعكوا على خير عاجل غير آجل

ربنا يعمل اللى فيه الخير يا حبيبتى
لو هو فتح معاكى الموضوع واتكلم معاكى ممكن تديه رايك لكن لو ما فتحش يبقى بلاش تكلميه لانه يمكن لسه هو واخواته ما اتفقوش على حاجة او ممكن يكون انه يكون معارض اواته فبلاش تزيدى همه
وربنا يوفقكم ويرزقكم بالرزق الحلال

اتناقشى معاه بهدوء ياقمر واقنعيه بالمحل لان مصاريفة ومكسبو احسن من التاكسى وربنا يوفقك ويهنيكم ويتمملك بخير