وحشتني بقي :(

طيب عارف إنك كنت معايا النهارده طول الوقت

مسبتنيش ولا لحظة .. ^_^

بس المشكلة إنه أنا اللى مكنتش معاك .. أنا اللى كنت قاعدة لوحدى مستنياك ..

ببص حواليا بلاقيهم معايا .. بس انت اللى مش هنا ..

ببص ف موبايلى وحاسساك هتكلمنى .. بس متكلمتش ..

ببص ف ساعتى واسأل نفسى هو اتأخر ليه ؟ مش هييجى ياخدنى بقى

بس مجيتش بردو ..

ببقى مستنياك تكلمنى ف التليفون تزعق لى وتقول لى :

" اتأخرتى ليه ؟ " بس مهما اتأخرت .. بلاقيك بردو مش هنا

اوقات كتير ببقى محتاجة لك فيها فعلاً .. بس مش بلاقيك ..

والعيب مش من عندك .. بالعكس .. انت بس يمكن مش واخد بالك إنى بكتب لك ومستنياك ..

ما هو دى مشكلتى .. إنى عاوزاك معايا على طول ..

قبل ما انزل اروح ف حتة .. اكلمك .. " ده لو انت مش هتوصلنى يعنى :P "

ف نص السكة تكلمنى تطمن عليا .. وتقول لى :

" متسوقيش بسرعة يا مجنونة "

ف اقول لك : " لو مش عاوزنى اسوق بسرعة تعالى وصلنى انت "

" متقلقنيش عليكى .. بجد ... "

"حاضر "

اعمل ايه أنا .. بضطر اقول حاضر وبسمع الكلام

وأول ما اوصل اكلمك بردو ..

ومبتنساش تقول لى : "خلى الموبايل ف ايدك علشان لما اكلمك تردى على طول ومتقلقنيش عليكى "


مفيش تفسير لكل الكلام ده .. غير إنى فعلاً .. مفتقداك .. وإنى فعلاً .. بحبك ..

وإنك فعلاً .. واحشنى


صدقنى الحاجات البسيطة دى هى اللى بتحسسنى بقيمتى عندك ..

وقد ايه انت فعلاً خايف عليا ..

وقد ايه انت فعلاً ..

بتحبنى

جميله اوي يا حبيبتى قمه الرومانسيه

ميرسي كليوباترا

بجد حلوه اوىىىىىىىىىىىىىىىى بس حرام الواحد كده بيتحسر ع نفسه والله هو فين الرجاله اللى كده

تسلم ايدك بجد تحفة

ساسو متخافيش ومتحسسريش هيجوا هيجوا بمزاجهم او غصب عنهم هيجوا

نورتوا الموضوع كلكوا يا اميرات

فىى والله دا انا بشتكى من كتر الاهتمام ساعات بحس بالخنقة بس لو قل بضايق