حلم محتاجه تفسيره ضرورى

السلام عليكم ورحمة الله وبركاته
انا اول مره اكتب حاجه على المنتدى بس فعلا انا عايزه تفسير للحلم ده ضرورى وشكرا ليكم جدااا ولانى بثق فيكم جدا وبستفيد منكم دايما فقلت لازم احكى الحلم ويارب يكون التفسير خير
الحلم هو

انا حلمت ان انا كنت قاعده فى البيت عادى كنت برتب ورق تقريبا او مجلات مش عارفه ايه بالظبط وكان وقت العصر كده او على المغرب وماما وبابا كانوا نايمين واختى كانت فى الاوضه

وفجأه لقيت حاجه خبطت فى الباب فقمت ابص من العين السحريه اشوف فى ايه برا لاقيت ولد صغير كان طالع على السلم وخبط على الباب لانه كان تقريبا بيلعب

فلاقيت راجل نزل من على السلم زعق للولد وقال له ما ينفعش انه يخبط على الشقق كده والراجل ده كان ابوه المفروض فى الحلم انه كان جارنا بس فى الحقيقه ده مش جارنا خالص لانى ما اعرفهوش قبل كده

بعد كده انا كنت واقفه ورا الباب بشوف اللى بيحصل ايه وبعدين ايدى خبطت فى الباب فعملت صوت فلاقيت الرجل قرب من الباب وفضل يحاول يشوف منه حاجه لانه كان فيه زجاج على عكس بابنا فى الحقيقه اللى كله خشب بس

فحاولت استخبى منه علشان ما يشوفنيش المهم راح مخبط على الباب وقعد يرن الجرس وانا ما رديتش افتح فبابا وماما صحيوا من النوم وطلعوا قعدوا فى الصاله ولاقيت ماما بتعمل انواع محشى كتير

وبعدين بقى جراننا اللى تحت كمان موجودين قدام الشقه على الرغم من ان انا ما اعرفهمش فى الحقيقه برضو ومعاهم ناس غريبه كتير
انا دخلت قعدت جوا وبعدين لاقيت فجأه باب الشقه اتفتح لوحده والناس دخلوا جوا

قعدوا يسلموا علينا
احنا عندنا فى الشقه الطرقه اللى قدام المطبخ موازيه للطرقه اللى عند باب الشقه ببص علي الطرقه اللى قدام المطبخ وانا بسلم على الناس اللى داخلين لاقيت فى شاب واقف هناك وظهره ليا وانا مش شايفاه ومش قادره اعرف مين هو

انا كنت بتكلم مع بابا وفجأه حصل خلاف بينى وبينه ولاقيت نفسى بتخانق بصوت عالى اوى وزعلت لحد ما صوتى راح
فدخلت الاوضه بتاعتى وانا بعيط وزعلانه فلاقيت الشاب ده دخل وقعد جنبى وقال لى ما تزعليش ابدا انا معاكى دلوقتى وراح مطلع شنطه صغيره وقال لى شوفى الناس جايبينلك ايه

كان كل الناس جايبين هدايا اكسسوارات ودهب فلاقيته قال لى الاول شوفى هديتى ففتحت لاقيت فى الشنطه خاتم دهب واسوره وسلسله جميله اوى
مسكت السلسله لاقيت نصها ابيض ونصها التانى دهبى وكانت سلسله رقيقه فيها دولفين صغير مقسوم لونين برضو وعليه فصوص بتلمع اوى
عجبتنى اوى الحاجات اللى هو جابهالى وهو كمان كان مبسوط اوى ان الحاجات عجبتنى وقال لى انه مش هيفضل معايا دايما

وشكرا ليكم مره تانيه

يا حبيبتى والله اعلم لانه صعب ابحث عنه بحث صريح لانه قصه طويله بس اللي انا فهمته وحسيته ان باذن الله في فرح في بيتكم او خطوبه او جوازك باذن الله والولد ده العريس والناس ديه هدايا الجواز باذن الله والباب كان مقفول واتفتح يعنى اتفرجت باذن الله والباب هيتفتح وهيجيلم باذن الله اللي تتمنيه وعريس كويس ان شاء الله والله اعلم يارب يا حبيبتى يكون خير ان شاء الله حلم جميل ربنا يتمم ليكي الخير يارب

حلم حلو يارب يتحقق زى كوكيه ما بتقول ونفرح بيكى قريب ان شاء الله

شكرا ليكى يا كليوباترا على التفسير ويارب يكون خير زى ما انتى قلتى كده
وشكرا ليكى جدا يا ايمى و يارب يجيلكم الخير دايما

السلام عليكم ورحمة الله يا جماعة بعد اذنكو محتاجة تفسير للحلم ده جداااااااااااااااااااااااا ياريت لو حد يفسرهولى وجزاكم الله خيرا
انا اسمي مروة مرتبطة بشخص ومتفهمين جدا وهو بيشتغل فى بلد تانية وان شاء الله هينزل على شهر 3 مصر علشان نتخطب بس هو حلم حلم غريب وانا قلقانه جداااااااااا وياريت حد يفسره حلم انه رايح يخطبنى بس مامته مردتيتش تيجي معاه بس اخوته وعمته وافقوه انهم يجيو معاه وبعدين راح يجبلي انسيال ذهب وهو بيتفرج عليه اتكسر منه وبعدين جيه هو واخواته وعمته بيتنا ودخلو وقعدو مع اهلى وبيقولى ان انا طلعت علشان اقعد معاهم بص لقانى طلعت مش انا طلعت واحدة تانية واسمها سماح ولقاهم بيقولى اقعدى يا سماح قالوهم لا مش اسمها سماح اسمها مروة راحت ردت واحدة عليه قالته اسمها سماح وصحي من النوم مخضوض
انا كمان قلقانة ومحتاجة حد يفسرلى الحلم ضرورى