المسابقه الجديده والمكافات الماديه يا بنات ومواضيع ودورات غير منقوله مين هتشارك

المسابقه الجديده يا بنات ومواضيع ودورات غير منقوله مين هتشارك
يالا يا اميرات عايزين نبقي متميزين ونكمل حملتنا لا للمنقول اللي هتعمل دوره زي اوشي كمان هيبقي ليها باسمها بادج للدوره فوق ان شاء الله زائد طبعا اللي اتفقنا عليهه في المسابقه والجايزه احنا عارفينها يا بنات





كارت موبيل ب50 جنيه يا بنات اي خط فودافون موبينيل او اتصالات
بالنسبه للدورات يا بنات اللي هيعمل موضوع غير منقول يبلغنى هنا بالاسماء علشان اللي هتقدم معانا في المسابقه اخر تقديم نهايه الشهر ده واللي حبه تبدا تبدا بس بعد نهايه شهر 10 مش هنضيف اي موضوع علشان الكل هيكون بدا ان شاء الله
بالنسبه للدوره لوو متميزه ومكمله فيها باذن الله هتدخل في المسابقه للشهر اللي بعده كمان بس المهم الاستمراريه في عرض الافكار وتنشيط الاميرات انهم يبداوا يعملوا معاهه باذن الله وتتابع وترد لكن لو بعد المسابقه الاول مفيش متابعه هتخرج من المسابقه واي استفسار عن المسابقه عرفونى وكله طبعا بعدد المساهمات والردود اعلي ردود ومساهمات هيكون هو الفائز
الدورات يا بنت بس هي اللي هتدخل تاني في المسابقه اللي بعدهها علشان المجهود اللي بيتبذل فيها في حال انها ما فازتش الشهر الحالي لو فازت خلاص وبيدخل دوره غيرها ان شاء الله
اى استفسار عن المسابقه من عنيه الاتنين

فكره رائعه جدا وان شاء الله التنفيذ حيكون اروع باذن الله
بالتوفيق لكل الاميرات

مش فاهمه ياكوكى يعنى مواضيع غير منقولة اى مواضيع بشرة وشعر وكدا ولا ايه؟؟؟؟؟؟؟

شكرا يا كوكى على مجهودك الرائع
بجد تعبينك معانا
بس انا كدة هكمل الدورة بتاعة اللاسية الاول
وبعدين هدخل فى دورة التفصيل والتطريز
ولا الاتنين مع بعض
علشان المسابقة

تسلموا ليه يا رب فطومه ديما بتشجعينا يارب يخليكي يا حبيبتى وييسر لك حالك

مرايانه ايوه يا قمر مواضيع مش منقوله يا حبيبتى عادي بس اللي هيعمل دوره زي الللاسيه او تطريز او اى دوره كامله ان شاء الله دوره تجهيز عروسه مثلا اي حاجه من ديه بس يصور صور يا بنات وينزلها باسمه واسم المنتدي علشان يبان شغلنا انه مش منقول ويكتب رايه وممكن نجمع افكار زي مووضوع نور لو تفتكروه بتاع ازاى تسحري جوزك الفرق يا بنات الدورات اللي هتكمل يعنى مثلا دوره الاسيه تريكو اي حاجه من صنع ايدينا وهنتعب في تصويرها وشرحها ديه هتبقي غاليه اوي هتدخل تانى علي المسابقه اللي بعدها في اول اعلان لمسابقه جديده هتدخل بالموضوع تانى علي شرط تكون الدوره لسه بتتكمل علشان نضمن نجاح المواضيع وانها متتهجرشي لكن المواضيع العاديه الغير منقوله مش هتبقي بنفس فرصه دخول المسابقه الجديده هتدخل المسابقه الحاليه والمووضوع اللي باعلي عدد ردود يا بنات مش بعدد المواضيع

بالنسبه لروش يا بنتى الاسيه ما هوه دوره يا حبيبتى هتدخلي بيها المسابقه ولما تخلص اعملي الدوره الجدديده والدورات كل ما تزيد فرصكم هتزيد يا بنات لانهم لو متواصله الدوره وفيها تواصل وشغل هتدخل المسابقات الجيه كمان ها اي تساؤل من عنيه الاتنين

محدش يا روش غيرك مشجعنى يارب يخليكي ليه فين الباقي يا بنات علشان المسابقه تحمى بقي تسلموا ليه يا قمرات

طيب ياكوكى اللى هتكسب هيبقى على اساس ايه؟؟
يعنى المواضيع والدورات هيبقى على اساس عدد الردود ولا عدد المواضيع؟؟؟؟؟

انا اول مره اقرء الموضوع ياكوكى من بعد ماانتى قررتى ان المسابقه تبقى اشغال يدويه وانا متابعه دوره رشا
بس ماشى انا هلحق اهو وهدخل بموضوع صور اعجبتنى
وان شاء الله هصور صور تانى خلال الشهر وهنزلها
وطبعا ده موضوع مش منقول
انا عارفه انه موضوع مش قوى بس انا بحب اشارك
ممكن تقبلى موضوعى ولا ايه

وربنا يوفق كل الاميرات بالمواضيع المفيدة للنهوض بالمنتدى انا هنزل موضوع انا ابتديت فى تنفيذة يارب يعجبكم