اعتبروني اختكم انا محتاجلكم

انا تعبانة اوي ومحتاره بجد وعايزاكم تفكروا معايا معلش انا مليش غيركم بعد ربنا انا مشكلتي ان خطيبي بارد اوي وانا اسفة علي اللفظ بس مش عارفة اوصفة غير كده انا مخطوبة من حوالي سنة وكنا متفقين ان الجواز بعد سنة المهم ان هو بارد في كل حاجة حتي في مستقبله هو كان بيشتغل في شغل كويس وبعدين ساب الشغل عشان كان في شغل تاني وبعد كده الشغل ده محصلش نصيب فيه ومن ساعتها وهو مبيشتغلش وليه بقي مبيشتغلش عشان هو كان مدير في شغله ومش عايز غير كده والفرص قليلة جدا بسبب ظروف البلد بس هو تقريبا ريح علي كده يصحي من النوم متاخر ويسهر كل يوم مع صحابه لحد الفجر هو ده اللي بيعمله في حياته وده طبعا اثر علي شقتنا لانه لحد دلوقتي معملش اي حاجة فيها وحاطط ايده في الماية البارده وعلي فكره المشكلة مش مشكلة فلوس هو معاه فلوس انا عارفه ومش في دماغه اي حاجة ويقولي مفيهاش حاجة لما ناجل الفرح شوية يبقي ازاي بيحبني اصلا وهو اللي بياجل ومن غير سبب ولما اجي اكلمه يقولي انتي مستعجله ليه والكلمة دي بتحرجني اوى
قولولي اعمل ايه معاه انا قلقانه منه اوي ومش عارفه اعمل ايه ياريت تردوا عليا واعتبروني اختكم

بصى طب متحاولى تتكلمى مع مامته لو قريبه منها يعنى والحل التانى ان باباكى يكلمه ويقوله انت كنت متفق معانا على سنه وانت مجهزتش حاجه لغايه دلوقتى لازم حد يكلمه يعلشان يحس انه لازم يتحرك يعمل حاجه وباباكى يسئله كل شويه على شغل
وانتى حاولى بردو تدوريله اعملى اى حاجه قد ما تقدرى

الاول اقدر اقولكم نورتينا يا حبيبتى بجد غريبه بس اصبري شويه الناس كلها مشوشه بجد يمكن نفسيته مهزوزه وخايف يتجوز وحال البلد كده فاهمانى مستنيه لما يرسي علي شغل اصبري بس شويه لما الدنيا تبان ويشتغل بس المهم يسعي يا قمر ي البحث ولما يمسك شغل شوفي ايه النظام ممكن يكون ظاهر بارد بس نفسيا مضايق متضغطيش عليه دلوقتى اصبري شويه وباذن الله هتتحل يا حبيبتى

هو اكيد نفسيا مضايق بس عارفه لو بيدور ومش لاقى اه وممكن يكون مستنى شويه يعنى مدى لنفسه فتره يفكر فيها
ساعتها اقولك متضغطيش
بس لو مبيدورش خالص لازم حد يكلمه علشان ميخدش راحته قوى
وانتى عارفه ليه يا كوكى بقولها تخلى حد يكلمه لان اللى كان شغال مدير ده وعايز بردو يبئا مدير حاجه بتجنن انا اعرف ناس كده بتفضل تدور على انهم يكونوا مديرين مش هممهم الظروف اللى حوليهم ومبيقوش عايزين يبتدوا من الاول فا انتى اصبرى شويه زى ما كوكى قالتلك ملقتيش جديد لازم باباكى يكلمه

ربنا يخليكو ليا يارب بس كنت عايزه اوضح لكم حاجة انا اللي بدورله اصلا هو مش بيدور انا ببعتله السي في بتاعته علي النت وكمان انا بابايا اتوفي من خمس شهور بس ممكن ماما هي اللي تكلمه انا عندي تلاته اخوات ولاد بس انا خايفة سشيلو منه اكتر من كده

الله يرحم والدك يا حببتى
معلش اعملى اللى عليكى انا بردو كنت بعمل كده لما كنت مخطوبه كنت انا اللى بدورله على شغل
وممكن تخلى حد من قرايبك او اخواتك بردو يشفوله شغل مش عيب الناس عارفه ان فى شباب كتيره سابت الشغل فى الفتره اللى فاتت دى واصبرى فتره ولو محصلش جديد حد يكلمه من عندك بس يكون بيعمله حساب

انا رائيى من راى علياء وربنا ييسرلك ياجميل

بصي ياحبيبتي هي الاوضاع دلوقتي كلها مقرفه والبلد مش مستقره فانتي اصبري عليه شويه وحاولي تتكلمي معاه بهدوء وافهمي وجهة نظره
وعاوزه اقولك كمان صلي صلاة استخاره وادعي ربنا وان شاء الله يصلحلك الاحوال

طبعا اخننا من غير اى كلام بصى يا قمر انا هقلك حاجه يمكن هو حاسس بالمهانه ان هو يتنقل من شغل عالى كده زى المدير الى اى شغل تانى لان الواحد دايما بيحاول يكون الاحسن مش الاقل وهو كمان بيفكر فى بيته ان هو المفروض يخليه الاحسن وعشان خاطرك برضه يا قمر وبليز متحكميش عليه الا لما يلاقى عمل وشوفى هيعمل فى ايه وحاولى تقولى لاهلك يكلوم اهله فى موضوع الشقه والحاجات دى وابقى طمنينا عليكى وربنا يوفقك فى حياتك ياقمر يارب

ربنا يهديه ويرزقه الشغل الحلال انشالله
انتى لازم تخلى واحد يكون بعمل له الف حساب يكلمه ويشوف ايه افكاره