حد يقولي اعمل معاه ايه

النهارده خطيبي جه البيت عندنا وكان غريب جدا بجد اولا مكلش تقريبا وتاني حاجة مطلبش من ماما اننا نقعد نتكلم مع بعض زى كل مره واخر حاجة انه فجاه كده قام مشى ونزل من غير مايسلم عليا ، انا مش عارفه هو عمل كده ليه مع ان مفيش بينا مشاكل وانا مزعلتوش مفيش غير موقفين حصلو مش عارفه هما اللي زعلوه ولا لا اول موقف ان ابن خالتي اتصل بيا عشان يسلم علي ماما وسلم عليا وهزر بس هو كبير اصلا اوي يعني مينفعش انه يغير منه وتاني حاجة انا عادتي اني بهزر وبضحك كتير بس النهارده انا كنت مصدعه جدا وعندى مغص شديد فمكنتش قادره اتكلم ، مش عارفة بجد ايه اللي زعله ده غير اني اتصلت بيه بعد مانزل ماردش عليا هو كده زودها اوي وانا مش عارفة اعمل معاه ايه حد ينصحني ياريت

انتى نورتينا يا قمر بصي يا حبيبتى مادام كلمتيه طنشيه بقي لحد ما يكلمك هوه اصبري انهرده متكليموهوش يا بنتى تانى استنى لحد بكره وشوفى ايه الاخبار ونشوف بكره ايه النظام تابعينا بكره باخر الاخبار متسبقيش الاحداث يمكن عنده مشكله او تعبان هوه كمان زيك وطمنينا ايه الاخبار

بصى ياحبيبتى انتى طنشيه وكانك مخدتيش بالك انه كان زعلان وشوفى اللى هيحصل
بس اتقلى عليه

شكرا ليكم اوى وانا فعلا طنشته بس لاقيته اتصل بيا اول ماوصل بيته فمردتش ارد راح اتصل علي تليفون البيت وماما اللي ردت عليه وقالها تخليني اكلمه المهم روحت كلمته وقولتله قبل اى كلام عايزة افهم اللي حصل النهارده طبعا حاول يطلعني غلطانه كتير بس معرفش وفي الاخر اتاسف بس انا لسه زعلانه وخايفة انه يكون غدار

طب ياحبيبتى متستعجليش يمكن كان متضايق من حاجة ومع الوقت هتفهمى طبيعته اذا كان مخبى حاجة ولا لا بس اهم حاجة تكونى ذكية فى معاملتك معاه يعنى متخليش عبارة[مراي الحب عميا]تنطبق عليكى خليكى ذكية معاه جدا

هو فعلا ممكن يكون كان فى حاجه مضايقاه او عنده مشكله حاولى تفهمى منه

حبيبتي ممكن تكون حاجه مضيقاه اصبري عليه شويه وهو ان شاء الله هيقولهالك
وربنا يصلح لكم الاحوال

ممكن يكون ف حاجة مضايقه من الشغل من اصحابه ولما يهدى هيجى من نفسه ويكلمك ويحكيلك بس متضغطيش عليه ولا تتخانقى معاه عشان عمل كده وربنا يهديلك الحال

دلوقتى يهدى
ويكلمك يقولك مالة
ةان شاء الله خير

ربنا يوفقك يارب

حبيبتي تلاقي عنده شويه مشاكل ولا التجهيزات بتاعت الفرح عليه ضغط
لالمهم تحاوي تكلميه وتتاكدي هل هو زعلان منك ولا زعلان من حاجه تانيه
خليكي متفاهمه وبلاش عصبيه