ياريت تساعدوني انا محتاره

السلام عليكم ورحمة الله وبركاته[center]
انا مشكلتي مع خطيبي اولا انا مخطوبة من حوالي سنة وبحب خطيبي جدا وكمان فرحي بعد شهرين بس المشكلة فيه هو عشان انا بحس انه بخيل بس مش قادره اتاكد لاني مش بخرج معاه وكل كلامنا مع بعض بيكون في البيت بس هو مجبليش هدية من اول ماتخطبنا غير في عيد ميلادي وهي بصراحه كانت هدية حلوه وغالية بس مجبش اي حاجة تاني وفي نفس الوقت بيزعل اوي لو انا قصرت معاه في حاجة ومش بيتكسف انه يقولي كده وانا بتكسف اني حتي المح في الموضوع ده يعني انا خايفة بجد انه يكون بخيل بس مش قادره اصدق لان اهله ناس كريمه جدا وطيبين بجد وكمان انا عارفه ان ظروفه دلوقتي صعبه عشان الشقه ياريت تقولولي اتاكد ازاي من غير مجرحه ولو اتاكدت اسيبه ولا ايه مع العلم اني بحبه

نورتى المنتدى يا حبيبتى البخل درجات واللي تستحمله واحده متستحملوش التانيه هتعرفي من التزاماته معاكم في الجواز والمفروض انه يجيب لو حاجات بسيط بيدخل البيت عندكم بايه مش لازم هدايا بس بيجي ومش بيجيب حاجه مثلا عيد الام ايه الاخبار العيد ورمضان جاب حاجه ولا لا فاهمانى مش لازم هدايا بس الالتزامات والواجبات ومتتكسفيش يا بنتى اتعودي تطلبي حقك بادب لازم لان غير كده حق الست بيضيع لازم تاخدي بالك من الموضوع ده وخدي راي اللي معاكي في البيت ممكن يجيب وهو داخل البيت حتى لو حاجات بسيطه لكن لو مش بيجيب خالص انا بحس ان ده بخل من اولها وربنا يعينك ويوضحلك الامور وزى ما قلتلك اللي ممكن تستحمليه غير اى واحده فانتى القرار ليكي هتستحملي البخل ولا لا اذا ظهر انه كده فعلا فاهمانى يارب يفرج همك

مرسي اوي ياكليوباترا علي اهتمامك بس للاسف كل اللي انتي قولتيه هو مش بيعمله لارمضان ولا العيد ولا عيد الام ولا كل ده وانا لو ده فعلا دليل علي البخل انا مقدرش استحمله وخصوصا اني بنت وحيده لاهلي واهلي عمرهم مارفضولي طلب يعني انا مش هاستحمل بخل ابدا انا فعلا مش عارفه اعمل ايه

بصى انا هقولك حاجه لو هيجيبلك حاجه فى الاعياد والحاجات دى هتبقى مكلفه اوى وانتى بتقولى اللى ظروفوا وحشه علشان الشقه وكده يعنى وكمان انتى عارفه كويس ان الشقه بتحتاج بلا وى وحاجات كتير جدا وكمان يا ستى اللى يوفروا انهارده يسرفوا عليكى بكره انتى واولادك فى المستقبل انشاء الل ولا ايه؟ وكمان لى اتاكدى فعلا ان هو كده لما تتجوززا ساعتها تبقى تخدى خطوه تانيه وابقى طمنينا عليكى يا قمر

انا شايفة انك ممكن تعرفي من طريقة الكلام بيتكلم انة جاب الحاجة بالسعر دة ولا بيتكلم ازاي وانتوا بتتكلموا قوليلوا متلا دة انا شفت متلا طقم لبس بالسعر الفلاني شوفي هيقوللك اية غالي رخيص شوفي هو بيجيب لبسة منين وبكام طبعا دة كلة وسط كلام مش استجواب يعني واكيد هتقدري تعرفي من الكلام وربنا معاكي يارب

انتى فعلا حتعرفى اكتر مع ترتيبات الجواز
لان المفروض فى فتره الخطوبه يجيب اى حاجه ولو بسيطه على قد ظروفه لكن مابيجيبش خالص دى مشكله
بس انتى قلتى انه فى عيد ميلادك جابلك هديه غاليه
ممكن مابيخدش باله ان المفروض يجيب حاجه فى المناسبات التانيه
بس خدى بالك يابنتى الا البخل وهو فعلا بتختلف فى درجاته وكل واحده والى تستحمله زى ماقالتلك كليوباترا وفعلا ماتتكسفيش تتكلمى فى الحاجات دى

ربنا معاكى
وكل كلام الاميرات صح جدا
وخلى بالك البخل دة شىء صعب جدا
وساعات بيكون فى المشاعر والاحاسيس
فشوفى هو بخيل فى احساسة معاكى

صح كلام فاطمة
ممكن ما يكون بياخد باله مش بخل يعنى
انا جوزى ما بينتبه للحاجات دى لكن عمرى ما طلبت منه حاجة واتاخر