ماسكات بالمشمش للشعر الجاف والمصبوغ والتالف وللقشره

ماسكات المشمش المجفف لأنواع الشعر المختلفة
المشمش من الحاجت اللي ممكن نستخدمها لمختلف أنواع الشعر بس باختلاف الإضافات اللي ممكن نضيفها علشان يبقى ملائم لكل أنواع الشعر، وكمان ممكن نضيف عليه إضافات علشان نعالج القشرة.

ماسك المشمش للشعر الجاف والتالف والمصبوغ
المقادير:

* ملعقة صغيرة حمام كريم أو بلسم
* مقدار من عصير المشمش المجفف


الطريقة:
هنخلط المكونات مع بعض ونقلّبهم كويس أوي، ونحط من الخليط على شعرنا من الجذور ولحد الأطراف، وهنسيبه لمدة 15 دقيقة وبعدين نشطفه بالمية فقط.

الماسك ده هيساعد على ترطيب الشعر جدا وتغذيته، وكمان هيدّي له لمعة قوية جدا ورونق وحيوية، وطبعا الماسك ده هينفع مع الشعر الجاف والتالف والمصبوغ.



ماسك المشمش للشعر الدهني وعلاج القشرة
الماسك ده من الماسكات اللي ممكن نستخدمها للبشرة والشعر بنفس المكونات من غير ما نحط أي إضافات، ودي هتنفع للبشرة الدهنية والمركّبة والعادية، وكمان للشعر الدهني والشعر اللي فيه قشرة.

المقادير:

* قطعة كبيرة خميرة بيرة
* ملعقة كبيرة عسل نحل
* 1/ 2 كوب عصير مشمش
* 1/ 2 ليمونة


الطريقة:
هنقلب الخميرة مع العسل، وبعدين نحط عليهم عصير الليمون، ونقلّبهم كويس لحد ما الخميرة تدوب تماما، وبعدين نحط عصير المشمش.

هنغسل شعرنا كويس وناخد من الماسك ونحط على الجذور فقط، وممكن على الشعر بس مسحة خفيفة جدا، ونسيبه لمدة 15 دقيقة وبعدين نشطفه بالمية.

بالنسبة للبشرة هنحطه على بشرة نضيفة ونسيبه لمدة نصف ساعة أو أكتر، والماسك ده هيساعد الناس اللي عندها حبوب صغيرة على البشرة؛ لأنه بيزيلها وكمان بينعم وينشط وبيخلّي البشرة رايقة جدا.

تسلمي يا رب يا رونه يارب يهديلك الحال يارب

ميرسي يا كوكي يا ذوق

يارورو ممكن نستبدل عصير المشمش ببودرة جيلى المشمش؟

بيتهالي لا يا ماريو
لان الجيلي مش بيبقي فيه مشمش دي مكسبات طعم
اعملي ممكن عصير قمر الدين
دا فيه نسبه مشمش شويه
او هاتي علبه فواكهه معلبه من عند العطار
انا بشتري علبه مشمش معلب علطول من العطار علشان الكيكات وكدا
تقريبا بتبقي ب 15 جنيه

اروح للعطار قولة عايزة علبه عصير مشمش يارورو؟

لا روحي قوليله عايزه قمر الدين
هيديكي بتاعه شبه دي



هتبليها في المايه لمده يوم في التلاجه
هتلاقيه داب في المايه وبقي عصير

او سخنيها في المايه عالنار وهو هيبقي عصير
دا عباره عن عصير مشمش مجفف

هتقولي للراجل عايزه قمر الدين
وهو هيديكي واحده من دي
تقريبا هي ب 10 او 15 جنيه
مش فاكره سعره لاننا بنجيب باكته كبيره

ايوة عرفته يارورو بس دا لوجيبته هشربه عشان طعمه تحفه هستخسره فى شعرى ههههههههه