مسابقه لجنه كشف الحقيقه - شاركيني بمعلوماتك

بس حتى المعلومات الى على النت حنعرف ازاى الصحيح منها من الخطأ

انا هبحث في ابحاث علميه كل اللي عليكم يا فطومه تجمعولي الامور المشكوك فيها دي

فكره جميله اوي يا روان وانا حبدا معاكي

انا مش حقول علي حاجه شفتها علي النت بس حقول علي حاجه جربتها

وهي غارنيه اللي بيزيل الهالات السوداء انا عايزه احذر البنات منه لاني استعملته ولاظت وجود خطوط خفيفه اوي تحت عيني زي التجاعيد كده رحت بطلته علي طول احسن تكبر وتكتر

فحبيت اقولكم انه بيعمل خطوط زي التجاعيد ولقتها ظهرت عندي وانا عندي 22 سنه وقعدت مده كبيره لغايه ما اختفت وطبعا كان شكلها وحش جدا

وياريت كل اميره تفيدنا من خبراتها وموضوع جميل يا روان تسلم ايدك

يعنى مثلا نجيبلك الموضوع او الحاجه الى بنسمع عنها انها مضره وانتى تجيبيلنا معلومات مؤكده عن مدى ضررها

اها هبحث عن الموضوع يا فطومه واقول هل الكلام دا صح ولا غلط

فكرة حلوة وانا هبحث فى الموضوع ده

ودي اول حاجه هبدأ بيها

المشكله

هل مكتوب على الشامبو هذه العباره......؟
هذا التحذير كتبه السكرتير التنفيذي في النظام الصحي بولاية بنسلفانيا
وهو كالتالي
افحص المكونات المكتوبة على الشامبو الذي تستخدمه وتأكد من عدم
وجود مادة تدعي سلفات لورييث الصوديوم
Sodium Laureth Sulfate
أو قد تكتب اختصارا بالحروف الإنجليزية
SLS
حيث اتضح أن هذه المادة تدخل في تركيب أغلب أنواع الشامبو لأنها تنتج قدرا
كبيرا من الرغوة إضافة إلى قلة تكلفتها ورخص ثمنها.
لكن من الحقائق المذهلة عنها أنها تستخدم في شطف الجراجات والارضيات،
وهي مادة قوية المفعول!
كما اثبت بعض العلماء في الولايات المتحدة أنها يمكن أن تسبب مرض السرطان
على المدى الطويل

وبالمناسبة فان معجون كولوجيت
لتنظيف الأسنان يحتوي على نفس المادة لإنتاج الرغو- ثم وعدوا أن يرسلوا لي بعض
المعلومات
لقد اثبتت نتائج البحث العلمي في الثمانينات الميلادية أن نسبة الإصابة
بالسرطان كانت واحد في كل ثمانية آلاف شخص، أما في التسعينات فصارت النسبة
واحد إلى ثلاثة، وهي نسبة خطيرة جدا.
هذا أمر هام يتعلق بأمر أسرتك وصحتك

منقول

المناقشه

علي فكره انا كنت قاصده اني احط الموضوزع دا ولو اني مبحبش النوع دا من المواضيع اللي بيحذر من غير م يجيب اي ادله علميه بس انا اصريت اني انقله علشان اعرفكم اننا بقينا بنصدق اي حاجه من غير ما نحاول نسال نفسنا ليه بنعمل كدا

طبعا انا لما كتبت الموضوع دا امامكم انتو صدقتوا وبدأتوا تخافو طلعتو تجروا علي مستحضرات التجميل بتاعتكم تتاكدوا من وجود الماده من عدمه مفكرتوش حتي تبحثوا هل الكلام دا صحيح ولا لأ بصراحه اكتر حاجه مش بتعجبني في الشعب المصري ان الشائعات بتنتشر فيه بسرعه الضوء من غير زعل طبعا بس الحق يتقال

حاجه تانيه بتضايقني لما واحده تبعتلي رساله تقلي لو مبعتيهاش 10 مرات هتسمعي خبر سيء النهارده بجد سوري يعني ببقا عايزه اخنقها اصله مش كلام منطقي خالص ويقعدو يكتبو في اخرها لا تدعها تتوقف عندك والله بتعصب من تفكير الناس بجد

ندخل في المفيد

خليكو معايا ..........

سمعت عن تلك الشائعة مرات كثيرة و سألتنى احدى قريباتى عنها بعد ان كثر تداولها على الفضائيات

بس كنت اعتقد ان طالما هى موجودة فى الشامبوهات او انواع الشاور جيل .... و الصابون و معاجين الاسنان ...

يعنى الشخص يضعها على شعره او بشرته مثلا ثوانى معدودة و بعد ذلك يشطف الرغوة بالماء.... فهى آمنة نسبيا

و انما الخطر يأتى من المستحضرات التى تلازم الجسم فترة طويلة و بصفة مستديمة

و بعد ان بحثت سريعا... وجدت الاتى

مادة الصوديوم لوريث سلفات و هى تعنى صوديوم لوريل ايثر سلفات و هى
detergent , surfactant

رخيص الثمن و فعال جدا جدا فى تكوين الرغاوى و لذلك يستخدم بكثرة فى مستحضرات العناية الشخصية

بالنسبة لملف ال toxicology بتاعه ... ملخصه الاتى

The Cosmetic, Toiletry, and Fragrance Association (CTFA) and the American
Cancer Society have stated that the common belief that SLES is a carcinogen is
an urban legend

بمعنى ان المؤسسات السابق ذكرها تقرر ان :
الاعتقاد بانها مسرطنة ... " اسطورة ريفية " يعنى اعتقاد خاطئ

و شائعة لا اساس لها من الصحة

و السبب ان هذا المركب و مشتقاته يحتوون على نسب ضئييييييييييلة جدا جدا _ تصل الى اجزاء من المليون _ من

1,4dioxane

و هى مادة ثبت انها مسرطنة... و لكن على حيوانات التجارب و ليس على العاملين بالمستحضرات المحتوية على هذه المادة

تمام ؟

و لكن ال FDA منظمة الصحة و الدواء تحبذ ازالة هذا المركب من المستحضرات

فمن الواضح اذن ان المجمع عليه بخصوص هذا المركب انه آمن نسبيا

و لكن الغريب حضراتكم ان الشائعة هذه كانت تحذر من انواع معينة من الشامبو و الشاور جيل و خلافه... و تشجع استخدام بدائل يقال انها آمنة و لا تحتوى على هذة المادة المسرطنة


أختكم جرت على المستحضرات _ التى يقال انها آمنة _المتوفرة امامى

و طبعا لن أذكر اسماءها

فوجدت ان من ضمن مكوناها : الصوديوم لوريث سلفات ... مكتوبة من اوائل المكونات

و البعض الاخر لم يذكر المكونات الفعلية

و لكن ...

خلاصة زيت نبات كذا و عطور ازهار كذا الطبيعية

فواضح انها كانت دعاية لبعض المنتجات على حساب منتجات أخرى ... و للاسف تشارك فيها وسائل الاعلام

علي فكره يا جماعه دا رد دكتوره صيدله د / فاطمة السكرى

ودا رابط يثبت صحه ما تقوله باللغه الانجليزيه من موسوعه ويكيبيديا العالميه ومعلوماتها طبعا موثوق بها واخدتو بالكم انها بتحذر من كولجيت وهي شائعه للاعلان عن شركه علي حساب شركه اخري والله الهادي للجميع
الرابط ده اضغط هنا
http://en.wikipedia.org/wiki/Sodium_laureth_sulfate

وممكن تترجموها لو عايزين تتاكدو


يا ريت بقا بعد كدا ناخد بالنا من الشائعات دي كويس


وشكرا

دا مقال بحثي انا كنت بحثت فيه قبل كدا يا اميرات

الحل
ركزوا بقا معايا وهو ان الشامبوهات اللي بتحتوي عالماده دي
ليست ضاره الا اذا استخدمناها بطريقه خاطئه
زي ابقاءها علي الشعر لمده طويله
يعني الشامبو لا يوضع اكثر من خمس دقائه
وكذلك لو عندنا حمام كريم بيقعدالربع ساعه لازم نتاكد من خلو مكوناته من الماده دي
ثانيا لازم نتاكد من نظافه الشعر وشطفه جيدا من الشامبو
ودا عكس اعتقاد بعض الكوافيرات انك تسيب شويه من البلسم او الشامبو او حمام الكريم
عالشعر علشان يخليه مندي وجميل كل دا خطر عالصحه
لازم ننضف الشعر من اي مواد كميائيه استخدماناها

ربنا يكرمك مش عايزه اقولك ممكن يكون اهم ملف وموضوع في المنتدي يا روان ارجوكي ثبتيه وان شاء الله كلنا نساعدك برافو عليكي النقط اللي تحددوها والوسام قولوا ليه عايزين اسمه ايه من عنيه وهحط ليكم في الموضوع من فوق شوفوا وقولوا ليه

فعلا يا روان دا موضوع مهم جدا جدا جدا
اصلا الواحد بقى ما يحب يسمع عن حاجة لانو كل حاجة بقى تهبشيها يقولوا مسرطنة
لحد ما الناس اصابها الوهم بدل المرض
جزاك الله خير
عافانا الله وحمانا
انشالله معاكى