عملت حلقات البصل بتاعت كوك دور تعالو شوفوها

المقادير :
بصله

خليط البيض:

ا بيضة
نصف كوب لبن
1/4م ص ملح

خليط الدقيق:
كوب دقيق
1وبع م ص بابريكا
1 م ص كمون مكحون
1 م ص بيكنج بودر
1 م ص ملح
معلقتين بقسماط
لو فى حد بيحب السبيس يزود شطة

الطريقة:

1.قطعى البصل حلقات متوسطة السمك.

2.فى حلة اغلى مية وحطى البصل فيه لمدة دقيقة فقط .

3. شيلى البصل وحطية فى ماء باااااااااااارد لمدة ربع ساعة

4.شيلى البصل ونشفية من الماء البارد

5.سخنى الزيت القلى فى مقلاة عميقة

6.هنحط البصل فى خليط البيض وبعدين الدقيق

7.هنكرر الخطوة الى فاتت البيض وبعدين الدقيق علشان الخطوة دى الى هتخلية مقرمش

8.اقلية فى الزيت واستخدمى ملعقة الشوربة علشان تغطسى الحلقات وتكبى الزيت على كل الحلقات علشان كله يستوى مرة وحدة ويخدو اللون الحلو

8.طلعية على كلينكس وبالهنا والشفا.



هي لونها طالع غامق شويه علشان الزيت بتاعي غامق
معرفتش اصور الخطوات علشان كنا قبل الفطار ومستعجله ولا حتي لحقت ازوق الطبق
اعملوه بيبقي مقرمش زي الشيبسي كدا وطعمه يجنن


هجوووووووووووووووم
لو عجبكم متنسوش التقييم

هجوووووووووووووووم
يا جامده يارورو يارب يخليكي لينا يارب

كليوباترا كتب:هجوووووووووووووووم
يا جامده يارورو يارب يخليكي لينا يارب

تسلمي يا رانو دايما رافعه من معنوياتي

شكلة جاممممممممد انا نفسي اعملة هجربة واعملة سبيسي واعرفكو اخبارة اية

اوك يا قمر مستنيك