ازاي تستخدمي مكواه الشعر بطريقه صحيه - لمحبي Babyliss

مكواه الشعر صحيح بتديلك شكل جميل بس بعد شويه تلاقي شعرك قصف وبقا ناشف
ما هي المكواه حلوه صحيح لكن استخدامها ليه قواعد.
تعالي نشوف هنستعملها ازاي

أولا: المكواه
عندك انواع كتير من احسنهم
Babyliss Pro230 st30e
ودي تمنها في فروع بي تك 285جوماشاء الله نتيجتها تححححححفة جدا وبتغسلي شعرك بعدها في اي وقت عااااااادي جداااااافيها 5 درجات حرارة من 130 لــ 230وبتسخن في ثواني معدودة وتتنقل من درجة للتانية في وقت قياسي جربت من الاقل للاعلي لما وصلت الـ 205 ودي صورتها من براودي صورتها من جوااللي جنبها ده مشط لفك التشابك ممكن يتشال ويتركب بس انا شلته لاني حسيته بيشد في شعري واللي تحتها عازل تتحط عليه المكوة وهي سخنة وبييجي معاها في الكرتونة



ثانيا: السيروم
طبعا قبل المكوة والسشوار لااااااازم السيروم علشان يحافظ علي الشعر ويحميه من الحرارة ويمنع الهيشان وانا بستخدم:Silk Therapy من Biosilkوده افضل سيروم استخدمته مع المكوة او السشوار لاكتر من سبب- اولا: انه بيحافظ علي الشعر جدا من الحرارة ومش بيخليه يتقصف ولا يتكسر- ثانيا: انسسسسسسسسسي الهيشان, تاثيره 100% مفيييييش هيشان- ثالثا: بيخلي الشعر طررررري جدا وشكله طبيعي جدا جدا , وبيحافظ علي رطوبة الشعر مش بينشفه- رابعا بيدي ثبات للشعر بعد المكوة, يعني لو ماغسلتيش شعرك اسبوع كامل هيفضل مفرود جدا ومش هيتكسر (حتي مع الوضوء)


دي العبوة الـ 50 مل بـ 75جنيه خدي نقطة منه علي كل خصله قبل ماتكويها, وبعد ما تخلصي نقطتين توزعيهم علي الشعر كله من برا


ثالثا: حمام الكريم
وده طبعا علشان تغذية الشعر والمحافظة عليه وبعمله مرة واحدة اسبوعياوبستخدم كاريتيه بزبدة الشيا , بلاقي منه الكيس بـ 6 ونص بيكفي 3 مرات شعر متوسط الطول بس ماشاء الله نتيجتة جاااااااااامدة جداااااااااودي صورة الكيس



وطبعا كل ده من غير شامبو وبلسم كويسين يبقي معملناش حاجة خااااااالص

رابعا: مجموعة العناية بالشعر

لااااازم نستخدم طبعا شامبو وبلسم كويسين والافضل نبعد عن الحاجات الــ 2*1 لانها ضارة جدا للشعر اي نوع شعرنا بيرتاح عليه نستخدمه وانا جربت كتيييير جداسباركل - صانسيلك - كلير - دوف - بالموليف - جليس الاحمر والابيض - نيفيا (دول اللي فكراهم) بس فيهم اللي ماعملش تاثيييييير وفيهم اللي كان هيدمر شعري زي كليييييييروالحمد لله بعد الاستخارة ربنا هداني لمجموعة تشي انفرا

للعناية بالشعرودي مكوناتها:- الشامبو

[

بيستخدم مرة اسبوعيا فقط

التريتمنت



يستخدم بعد الشامبو , نضع منه كمية تكفي الشعر وندلكه ونتركه من دقيقتين لخمس دقايق ونشطفه كويس جدااااااولو عاوزين نغسل شعرنا اكتر من مرة في الاسبوع بنغسل بالتريتمنت لوحده بنفس الطريقة

الكيراتين ميست



وده سبراي لتقوية الشعر يرش علي الشعر بعد غسيله بالشامبو والتريتمنت وتنشيفه بالفوطة ويستخدم مرتين اسبوعيا

سائل الحرير "المعجزة"



هو فعلا معجزة بكل المقاييس بيخلي الشعر ناعم جدااا وبيلمع جداااا وبيمنع الهيشان وبيغذي الشعرهو سيروم حماية كمان الحرارة, يعني ممكن نستخدمه مكان السيلك ثيرابي, لكن السيلك ثيرابي بيدي ثبات اكترومع كل ده مش بيخلي الشعر دهني ولا مزيت

دي صورة العبوة الــ 50 مل وتمنها 90ج


لو عجبكم متنسوش التقييم

موضوع حلو اوي اوي بس مجموعة (تشي انفرا ) دي لجميع انواع الشعر ولا ايه

موضوع روعه يا رورو ربنا يكرمك يارب

just4you كتب:موضوع حلو اوي اوي بس مجموعة (تشي انفرا ) دي لجميع انواع الشعر ولا ايه

اها دي مجموعه معالجه تنفع لكله

كليوباترا كتب:موضوع روعه يا رورو ربنا يكرمك يارب

:نورتونى :

حلو اوى يا رورو الموضوع مهم جدا

ساالى كتب:حلو اوى يا رورو الموضوع مهم جدا

;)

شكرا ليكي

:نورتونى :

الموضوع جميل..بس عايزة اسال الاقى المجموعة دى فين وثمنها كام ..وكمان الصور عندى مش راضية تتفتح