الي تقدر تقلي حل عملي و مش كلام وبس ياريت

اولا انا بشكركم جدا علي الباب ده ثانيا هدخول في الموضوع علي طول
انا عيزاكم تحسوا بيا و تحطوا نفسكم مكاني و لو حد هيقلي حل يقلهولي بعد ميكون حط نفسه مكاني عشان ميدنيش حل غير واقعي
انا عندي 24 سنة اتولدت في بيت عيلة للاسف ايوة للاسف كانت ماما بتفضل تحت لحد بعد الساعة 11 و انا اصغر اخواتي كانت بعد متطلع تكتشف ان الشقة نقصة حاجة معينة او ناقصنا فينو عشان سندوتشات المدارس اي حاجة و السلام كانت تبعتني اجبها
كان عندي اتنين من اعمام لسة متجوزوش انا كنت لسة عندي اربع سنين او خمسة
الكبير بصراحة كان محترم عن الصغير كان مجرد انه بيقعدني علي حجره و يحك نفسه رايح جي من علي اللبس انا اسفة و الله بس مش لاقية حد اقوله اللي انا في الصغير بقة كان بيعمل كدة ديركت
كانوا لما انزل اجيب حاجة كل اللي في البيت بيبقوا نيمين كان اي واحد فيهم بيندهلي بدأوا معايا بانهم هيلعبوا لعبة معايا و بيجبوني بالحلويات و كدة بعد كدة لما كنت بقول لا لاني حاسة ان في حاجة غلط بدأوا يهددوا بالضرب و انا كنت صغيرة مش فاهمة حاجة
اهي متعصبيين بطريقة لا احد يتخيلها علي الرغم من ان و لدي دكتور كتير لما كانت ماما بتيجي تبعتني بعد اول مرة حصل فيها كدة كنت بقلها لا كانت بتزعقلي و بتنزلني غصب عني و لا كنت بعيط كانت بتنشف دماغها و تصر ان مفيش حد هينزل يشتري الحاجة دي غيري

كنت بعد مبيعملوا كدة اطلع و ادخل الحمام و اعد اعيط و اعد اهرش تحت لحد ما المكان يجيب دم
طبعا ماما عمرها مكلمتني في اي معلومات تخص تطورات بالنت الجنسية و لا اي حاجة من دي حاولت المحلها بس باللي بيعملوه مقدرتش اختي الكبيرة مرة شافت عامي و هو مقعدني علي حجره كانوا لسة معملوش هما الاتنين اللي بقلكم عليه ده راحت قالت لماما اعدت ماما تضرب فيا فوق عن الربع ساعة و انا مش فاهمة ليه و حبستني في البيت يومين حتي المدرسة مرحتهاش
دلوقتي طبعا بعد ما كبرت و عرفت يعني ايه غشاء بكارة و يعني ايه شرف البنت اقدر اقلكم اني عايشة في عذاب ليل نهار مش عارفة اعمل ايه كل اللي بعمله بدعي ربنا مع اني مش قريبة منه اويه لكن هو كريم عارف ان كل اللي كان بيحصلي مليش ذنب فيه قلبي بيقع في رجلي لو جه حد يتقدملي برفض لاي سبب و مش عارفة اعمل ايه اللي عندها حل تقولي
و بلاش حل اني لازم اصارح بابا او ماما لانه مستحيل مستحيل عمري مهقدر اقول لبابا اخواتك اللي عملوا كدة مش بعيد ماما و بابا يطلقوا فيها انا بنت مؤدبة جدا عمري مكلمت شاب حتي في الجامعة لما كلمت شاب كان غصب عني لانه كان معايا في مشروع التخرج كنا 9 بنات و ولدين
ارجوكم تسعدوني و متقسوش عليا لان كفاية عليا القسوة اللي شفتها في حياتي مستنياكم تساعدوني بحلول عملية لاني فكرت كتير اموت نفسي هتقلولي حرام و كفر و الله عرفة بس وقتها مش ببقا عارفة انا بعمل ايه
اسفة إذا كنت طولت عليكم و اسفة اذا كان الموضوع فيه كلام مش كويس و يجرح اي حد بس انا لازم اقول كل حاجة بصراحة عشان قلاقي حل مناسب
و شكرا للمنتدي الجميل ده ::

؟؟؟ انتوا فين مفيش حد يرد عليا

يعنى حصل علاقة مباشرة ولا مجرد احتكاك المهم روحى لدكتورة نساء تتقى ربنا واحكيلها كل حاجة بالتفصيل وهى تكشف عليكى وتطمنك ان شاء الله بس اقربى الى ربك هو المعين

بصي يا حبيبتى ممكن لو محصلشي علاقه وانتى طفله خلاص انسي اللي فات وربنا رحيم ومادام ملكيش ذنب قربي من ربنا وانتى كبرتى وبقي ليكي اراده دلوقتى انا شايفه انك لازم تروحي لدكتوره يا حبيبتى تشوفي ممكن يكون الغشاء سليم وانتى عايشه في وهم بس طبعا دكتوره كبيره محترمه شوفي لو تعرفي توصلي لهبه قطب ممكن ا لهرش الشديد ده بس اللي يقلق وهي اكيد هتطمنك انا حاسه من كلامك ان مفيش علاقه مباشره لو احتكاك مش هيكون حصل حاجه لازم تروحي علشان لو وهم تتجوزي وتعيشيي حياتك طبيعي وذنبك في رقبه امك وابوكي واهمالهم بجد ربنا يهديهم حال يحزن حال الامهات والاباء احنا معاكي وعايزين نتابعك اعتبرينا اخواتك وهحاول اجيب تليفونات هبه قطب ليكي يا حبيبتى

لدكتورة هبة قطب
الإسم: هبة جمال قطب
المراحل التعليمية:
- بكالوريوس طب وجراحة جامعة القاهرة سنة 1991م بتقدير ممتاز.
- ماجستير الطب الشرعي جامعة القاهرة مايو سنة 1997م، والرسالة تحت عنوان "إيذاءات الأطفال البدنية والجنسية".
- دكتوراة الطب الشرعي بجامعة القاهرة مايو سنة 2000م، وعنوانها "الاعتداءات الجنسية وتبعاتها الصحية".
- أستاذ مساعد لمادة الطب الشرعي و علاج السموم بكلية الطب – جامعة القاهرة
- دكتوراه في الطب الجنسي جامعة مايمونيدس بولاية فلوريدا – الولايات المتحدة الأمريكية، تحت عنوان النموذج " الإسلامي في الممارسات الجنسية".
- عضوية الأكاديمية الأمريكية للطب الجنسي.
- حاصلة على جائزة أحسن بحث على مستوى الأكاديمية الأمريكية للطب الجنسي لسنة2004 .
نبذه :
- أول طبيبة مصرية و عربية متخصصة في الطب الجنسي و العلاقات الزوجية.
-أول من اهتم بالتثقيف الجنسي حيث تقيم دورات بثلاثة مناهج مختلفة موجهة لثلاث شرائح من الناس، منهج للمتزوجين لتحسين العلاقة الجنسية، ومنهج آخر للمقبلين على الزواج لبداية العلاقة على أسس علمية صحيحة و سليمة، و منهج ثالث للمراهقين والشباب لوقايتهم شر الثقافة الجنسية المغلوطة.
- لديها العديد من الأبحاث في مجال العلاقات الجنسية السوية وغير السوية و تأثير التثقيف الجنسي في إنجاح العلاقة الزوجية.

و ارقام تيليفونات عيادتها كالتالي:

0020233036708

0020101648560

حسبي الله ونعم الوكيل فيهم مش معقول دول بشر
انتي بالنسبه ليهم محارم
لازم يا قمر تتاكدي من عذريتك
بس العيب مش عليكي لان اهلك مهملين فيكي ومقصرين في حقك
خاصه والدتك

حبيبتى لازم على الفور تروحى لدكتورة نسا لان ممكن يكون كان الاحتكاك خارجى فقط وشلازم تحكى حاجه ممكن تقولياه انك عندك التهابات وبعدين هى هتكشف عليكى وتعرف كل حاجه وياريت تطمنينا عليكى وانشاء الله خير

انا هرد عليكي وانا حاطة نفسي مكانك زي ما طلبتي.....
اول حاجة انتي بتقولي ان أهلك متعصبين
الاول اقعدي مع نفسك وفكري في مامتك الاول اذا كانت تتفهم الموضوع بينك وبينها لو حتى ضربتك بس في الاخر هتحاول تحله من ورا باباكي بحكمة وعقل وتاخدك تكشف عليكي عند دكتورة والا لأ....
تاني حل...حسب ما فهمت ان اختك اكبر منك لو ما نفعتش مامتك لو كانت اختك اكبر منك ومتجوزة مثلا وهتقدر تساعدك وتيجي معاكي عند الدكتورة وتحل المشكلة وانتي متأكدة 100% انها مش هتقول لحد اولهم مامتك وجوزها جربي الطريق ده...
لو مفيش حد خالص ولو كانت واحدة صاحبتك واثقة فيها مليووووووووووووون المية انها مهما حصل بينكم مش هتقول لمخلوق على وجه الارض يجي معاكي ... شوفي هتقدري تروحي لوحدك والا لأ لدكتورة من مكان بعيد عن بلدك اللي عايشة فيها او ع الاقل محدش يعرفها من عندك او يشوفك بالصدفة عندها....
لو مفيش حل خالص سيبيبها لربنا فيه ناس بيقولوا بما انك كنتي صغيرة الجرح ده بيلم وفي الاول والاخر محدش بياخد غير نصيبه
حاولي تختاري حد كويس تثقي فيه تكملي معاه حياتك ولو اكتشف الموضوع ده قوليله الحقيقة وانتي ونصيبك وارضي باللي ربنا كاتبه ليكي مهما كان...لانك كل ما ترفضي اكتر من غير حجج مقنعة اهلك هيشكوا فيكي او هيجوزوكي غصب عنك
ادعي ربنا دايما يسترها معاكي وان يكون الموضوع ده ما أثرش عليكي واكيد هو عارف وادرى بيكي وهيسترها معاكي دنيا واخرة


اسفة جدا لو طولت عليكي
بس انا جاوبتك باللي هفكر فيه لو كنت مكانك
ربنا يسترها معانا جميعا دنيا واخرة
"اللهم استرنا فوق الارض وتحت الارض وعند العرض عليك"...........اللهم امين
مع التحيه

لا حول ولا قوة الا بالله
بصى حبيبتى انتى المفروض تروحى لدكتورة امراض نساء شوفى واحده صاحبتك قريبه منك جدا وخليها تروح معاكى لو خايفه تروحى لوحدك بس لازم تكون واحده انتى واثقه فيها جدا
وان شاء الله حتلاقى كل حاجه تمام باذن الله وابقى طمنينا عليكى
وربنا يريح قلبك يارب

ربنا معاكى وانشالله يكون مافيش حاجة من الى فى بالك وعشان كدا لازم تروحى لدكتورة وتتاكدى وتعيشى حياتك دون قلق ووسواس