الى قسم الفضفضه

بسم الله الرحمن الرحيم
يمكن موضوعي الناس تشوفه تافه شوية بس بصراحة بفكر فيه دايما....
انا بنت من الدقهلية عندي 26 سنة ومخطوبة قريب تقريبا من شهر لشاب بحبه جدا وفرحي بإذن الله في حدود 6 شهور او اكتر
المشكلة بتاعتي اني بخاف دايما من عدم كوني عذراء مع ان محدش لمسني في حياتي ابدا بس من يوم ما سمعت عن الموضوع ده وانا في الاعدادي وانا دايما عايشة في الوهم ده وبخاف من الجواز ويمكن ده من اسباب اني اتأخرت لدلوقت....دايما حاطة في خيالي ان حياة البنت واقفة ع الحاجة دي لدرجة كنت عاوزة اشتغل في مكان بعيد مرة وكنت هقعد في سكن هناك وبعد خناقات ومناوشات مع خالتي قالتلي البنت ما تسواش حاجة من غير النقطتين دول
يمكن جوايا بكره الموضوع ده...ويمكن اكون بكره الرجالة جدا بس بعشق خطيبي وبحلم باليوم اللي هكمل حياتي معاه فيه وبخاف اني اخسره
انا سايبه كل حاجة لوقتها ولربنا ومتعلمة تعليم عالي وعارفة ان المكان ده مش بيتفتح الا بشيء صلب وبقوة بس برضه الفكرة مش بتطلع من تفكيري
اللي بيخليني دايما افكر اكتر في الموضوع ده هو عدم انتظام الحيض عندي اوقات قبل ما بيجي بيقعد اكتر من مرة كل يوم بينزل مش نقطة تقريبا ممكن اسميه عرق بسيط او خيط غامق بيختلف اليللون اكتر من مرة من الاحمر للبني
يعني مثلا احنا في شهر رمضان من يوم خمسه رمضان لحد دلوقتي 15 رمضان نفس الحكاية اكتر من مرة في اليوم كل ما ادخل الحمام الاقي نس الافراز باللون البني وانا دورتي المفروض تبدأ الايام دي بستناها من يوم 15 كده لحد ما تيجي
فكرت اروح لدكتورة بس الموضوع صعب لاننا فلاحين وحتى لمحت لامي بالموضوع ده بس ما ريحتنيش وما انكرش كمان اننا خايفة مع ان الموضوع ده ممكن يريحلي كل افكاري
انا بجد نفسي اشيل كل الافكار دي من تفكيري بس دايما في بالي تقريبا 24 ساعة...
اتمنى تدعيلي بالهداية وراحة البال ولو كان في حل من الوسواس ده اتمنى يكون موجود وياريت تفتحوا المواضيع دي اللي بتأثر تقريبا على بنات كتيرة زيي

اسفة اني طولت عليكم
ياريت لو فيه امكانية لايميل خاص للدكتورة هبة قطب لاني بحاول من فترة اوصلها بس مش قادرة



((اسفة لو كنت كتبت في مكان خطأ بس ده اللي فهمته من رسالة الفضفضة))

متشكرة جدا لفتح الباب ده
ربنا يوفقكم للخير دايما ويعينكم عليه

حبيبتى متقلقيش ابدا ابدا كل البنات عندها الهوس والقلق ده وهيروح اول ما تتجوزي متقلقيش ده من كتر تحذيرات الاهل بتبقي علشان البنت تحافظ علي نفسها بيزودوا التنبيه اكتر واكتر وربنا يجمعك بخطيبك يارب في الخير ديما ويهديلك الحال ويرزقكم بالذريه الصالحه ومتخليش الموضوع ده ياثر علي حياتك ربنا خلقنا وعالم بينا وعالم ازاى يحفظنا والموضوع صعب مش سهل لدرجه ان الناس بعد الجواز ساعات مش بيتمكنوا من اختراقه متقلقيش وربنا بيحفظ البنات ويسترها لانه خلقنا وعالم بينا ولازم تكشفي ضروري علشان ممكن يكون عندك مشكله للخبطه الدوره ملوش علاقه خالص بالغشاء ده ممكن يكون التهابات لازم لازم تكشفي يا حيبيتى ويارب يهديلك الحال يارب ويريح بالك

اختى اذا كنتى قلقه لهذا القدر ممكن تروحى لدكتورة نساء تطمنك انك بخير مع انى عارفه ان هذا القلق ينتاب جميع البنات منكثرة التحزيرات من الاسره وانشاء الله ربنا يطمنك ويخفف عنك هذا القلق

ايوة حبيبتى انتى كتبتى فى المكان الصح
ربنا يوفقك مع خطيبك فى الحلال امين يارب
زى ما قالت لك الملكة الموضوع دا فعلا هاجس ومخيف لكل البنات تقريبا
انا برضو كنت خايفة موت لكن الحمدلله ربنا سترها معايا لانى بخاف عقابه وبحب ارضيه
انتى حاولى كل ما تجيكى الفكرة دى استعيذى من الشيطان لانو طبعا اكيد هو بزيد الوسوسة
وانا مع راى الملكة انك لازم تكشفى لانو دى احتمال يكون التهابات

حبيبتي دا وسواس بيجيلنا كلنا
بس فعلا الموضوع مش سهل او رقيق لدرجه الحيض يمزقه

ولازم تكشفي عند الدكتوره لان ممكن يكون عندك اضطرابات نفسيه
او هرمونات الذكوره عاليه شويه وهي هتديلك برشام وحاجات تظبطه

فعلا زى مالبنات قالولك الموضوع مش سهل كده حاولى على قد ماتقدرى كل مالافكار دى تيجى فى دماغك تحاولى تفكرى فى حاجه تانيه بسرعه وماتديش لنفسك فرصه تقعدى تفكرى فيها انا عارفه ان الموضوع صعب بس ان شاء الله ربنا يقدرك على انك تتغلبى على الوسواس ده وربنا يتملك على خير يارب
والمفروض فعلا تكشفى عشان موضوع الدوره ده وان شاء الله خير

الدكتورة هبة قطب و أرقام التليفون الخاصة بعيادتها

لدكتورة هبة قطب
الإسم: هبة جمال قطب
المراحل التعليمية:
- بكالوريوس طب وجراحة جامعة القاهرة سنة 1991م بتقدير ممتاز.
- ماجستير الطب الشرعي جامعة القاهرة مايو سنة 1997م، والرسالة تحت عنوان "إيذاءات الأطفال البدنية والجنسية".
- دكتوراة الطب الشرعي بجامعة القاهرة مايو سنة 2000م، وعنوانها "الاعتداءات الجنسية وتبعاتها الصحية".
- أستاذ مساعد لمادة الطب الشرعي و علاج السموم بكلية الطب – جامعة القاهرة
- دكتوراه في الطب الجنسي جامعة مايمونيدس بولاية فلوريدا – الولايات المتحدة الأمريكية، تحت عنوان النموذج " الإسلامي في الممارسات الجنسية".
- عضوية الأكاديمية الأمريكية للطب الجنسي.
- حاصلة على جائزة أحسن بحث على مستوى الأكاديمية الأمريكية للطب الجنسي لسنة2004 .
نبذه :
- أول طبيبة مصرية و عربية متخصصة في الطب الجنسي و العلاقات الزوجية.
-أول من اهتم بالتثقيف الجنسي حيث تقيم دورات بثلاثة مناهج مختلفة موجهة لثلاث شرائح من الناس، منهج للمتزوجين لتحسين العلاقة الجنسية، ومنهج آخر للمقبلين على الزواج لبداية العلاقة على أسس علمية صحيحة و سليمة، و منهج ثالث للمراهقين والشباب لوقايتهم شر الثقافة الجنسية المغلوطة.
- لديها العديد من الأبحاث في مجال العلاقات الجنسية السوية وغير السوية و تأثير التثقيف الجنسي في إنجاح العلاقة الزوجية.

و ارقام تيليفونات عيادتها كالتالي:

0020233036708

0020101648560

كلنا كنا كده قبل الجواز اكيد بس ياريت تحاولى تشيلى الموضوع ده من دماغك ماتحاوليش تفكري فيه عشان نفسيتك ونفسيتك اكيد ليها دور فى ان البريود مش منتظمة معاكى بس متقلقيش انا كنت اكتر منك وياريت تكشفى يمكن ده يطمنك اكتر وربنا يوفقك يارب مع خطيبك

حبيبتى كلنا كنا كده و فعلا لازم تكشفى و الأمر بسيط جدا و علشان الوساوس تروح و اظبى على الصلاه و الدعاء

انا اعانى مددن مشكلة التردد فى حياتى انا متزوجة وعندى بنتين فى كل شىء لااعرف ان اتخد اى قرار فى اختيار اى شىء يخصنى مع زوجى مترددة وكثيرا اشعر برغبة فى البكاء نفسى ان اتخلص من التردد ارجو الرد