تم اضافه قسم جديد للفضفضه يا اميرات وتنويهات هامه

ازيكم يا احلي اميرات بناءا عن طلب الاميرات قسم الفضفضه تم اضافته مفتوح للزوار واي حد يلاحظ مشاركه سيئه ممكن تحصل طبعا لاننا مفتوحين علي الانترنت فياريت تبلغونى باستمرار علي الرسايل الخاصه او التقارير والقسم ده بالاخص هيكون عليه مشرفه ومراقبه فمطلوب مشرفه ومراقبه للقسم ده وانا هتابع معاهم باذن الله اللي حبه تبعتلي واللي هيقدموا هيتاخد منهم الاكتر مشاركات هاخد 2 واللي هتكون اعلي مشاركه مشرفه والاقل هتبقي مراقبه وربنا يقدرنا نساعد الجميع يا بنات ويكون في ميزان حسناتنا وانا هتابعه باستمرار ما تقلقوش انا لا يمكن اسمح باذن الله باي حاجه تجرح هدفنا بخصوصيتنا ابدا مفتوح بدون تسجيل علشان اللي حبه تفضفض بدون اسم ومتتكسفشي وسطنا باذن الله لان ساعات كتير الناس بتكون مخنوقه ومش عارفه تاخد راي مين

فعلا فى ناس بتبقى محتاجه ده جدا وان شاء الله يكون مفيد للجميع يارب

حلو اوي يا كوكي
انا هتولي مراقبه المواضيع ولو عايزه تعيني مشرفه ومراقبه كمان مفيش مشكله
بس انا بحب اساعد الناس واكيد هقرا كل المواضيع
بس عيني اتنين كمان علشان لو تغيبت ولا حاجه

خلاص يا رورو لان القسم ده فعلا هيحتاد مراقبتنا كلنا هفتحه ليكي يا قمر حالا يارب اي حد مهتم تاني يبعتلي

يارب عايزين كل واحده مخنوقه او عندها مشكله مكسوفه منها تكتبها

رووووعة تسلم ايديكى بس كدا يعنى محدش من المشرفات هيقدر يقرا المشاكل اللى هتتكتب خالص؟؟

mriana كتب:رووووعة تسلم ايديكى بس كدا يعنى محدش من المشرفات هيقدر يقرا المشاكل اللى هتتكتب خالص؟؟

محدش هيقدر يطلع عليها واحنا نضمنلك كدا لان دي مراعاه للضمير
هتتكتب باسم زائر والكل هيشوفها علي انها مشكله عاديه ويبدا يطرح الحلول

انا ممكن اساعد روانعشان لرفعة المنتدى وليكون منتدى نسائى اخلاقى حضارى راقى باذنه تعالى
ولوجه الله تعالى

بصي يا مريان لا عادى كل الناس حتى انا والمدير وكله محدش هيعرف ولا المشرفات معندناش اي حاجه توضح يا بنات هي مين انا متاكده لانى انا شخصيا بيبان عندى زائر فقط
ام انتصار خلاص باذن الله هتبقي مشرفه مع روان ربنا يكرمكم جميعا ويجعلنا جميعا طريق للخير يارب

فكرة جميلة جدا جدا جدا لانى فى بنات بتبقى مخنوقة ومش عارفه تتكلم وممكن تخرج الزعل فى حاجة مش تمام او تزعل حد منها لانى جواها طاقة ومش حد حاسس بيها بجد فكرة جميلة جدا جدا وياريت الكل يهتم بالموضوع دا لانى بجد من المواضيع المهمة جدا جدا وصدقنى ممكن يغير حاجات كتير جدا للصح