قارة اطلانتس

ازيكو يا اميرات يارب تكونوا بخير ..بقالي فترة طويلة مادخلتش المنتدي عشان كنت مشغولة كتير وكمان كنت تعابانة وممنوع اقعد امام شاشة الكمبيوتر...يلا الحمد لله بقيت كويسة
انا مهوسة جدا بالاساطير عشان كدة حبيت اتكلم معاكم عن قارة اطلنتس الموضوع دة انا قريت فية كتب وابحاث وافلام وثائقية
كتير قوي بيربط بين قارة اطلنتس وافلاطون علي اعتبار ان افلاطون هو اول من تحدث عن قارة اطلانتس
الحقيقة غير كدة خالص ..اول مرة تم الحديث فيها عن اطلانتس كان سنة 950 قبل الميلاد لما كان الحكيم اليوناني(سولون) بيزور معبد (إيزيس قي مصر القديمة) وبدا (سولون)في انة يحكي عن اجمل ابداعات الاغريق في بلادهم من قصص ..لكن الي حصل ان الكاهن المصري سخر منة وقال ان كهنة مصر يمتلكوا اسرار ممكن تهز الدنيا علها وبدا الكاهن المصري يحكي عن قارة وسط البحر غنية بالخيرات هي قارة اكبر من شمال افرقيا واسيا الصغري معا وبدا يوصف فيها ويتكلم عن شوارعها
ان شوارعها مستقيمة ومدنها دائرية والفاكها فيها بتنضج اسرع من ارض مصر وان حيوانات البر تزحف الي الماء وترجع الشاطئ مرة اخري دون ان تؤزي احد
كمان قال ان ليها عشرة ملوك كانو بيتبادلوا الحكم بالعدل دون اختلاف وان سكانها كانوا بيعيشوا في سلام وان اطلانتس كانت اشبة بجنة الله في الارض

بالطبع انبهر سولون بالكلام دة ورجع بلادة وجمع الناس حولة في اثينا وبدا يحكلهم عن الاعاجيب الي سمعها في مصر ووعد انة يكتب ملحمة شعرية عن اطلانتس بس للاسف ماعملش كدة


لكن بعد ثلاث اجيال بالتحديد عام 335 قبل الميلاد وصلت القصة لفيلسوف الاغريق افلاطون كان عمرة في الوقت دة 70 سنة وسجل حكاية اطلانتس عن طريق محاورة وصف من خللها اطلانتس وشعبها


طبعا لحد دلوقتي مش معروف اذا كانت اطلانتس دى حقيقة ولا هي مجرد خيال الكاهن المصري
عشان ما اطولش عليكوا باذن الله المرة الي جاية هاكلمكوا عن شكل اطلانتس وشعبها ومكانها المقترح