اللانشون البيتي بدون لحمه من عمايل ايدي و بالخطوات المصوره

ازيكم يا اميرات
زي ما وعدتكم اني هنزل اللانشون بيتعمل ازاي

عملته وطلع تحفه بجد
هو طعم التشيكي دودو بالظبط
وطريقته سهله جدااا

المكونات
مكعبين مرقه دجاج
3 مثلثات جبنه نستو
3 بيضات
3 حبات حبهان
3 معالق كبيره دقيق ابيض
3 فصوص ثوم
نصف كوب زيت
رشه فلفل اسود



الخطوات
نحط كل المكونات دي في الخلاط ونضربها
لحد ما يبقي قوامها كريمي زي اللي في الصوره كدا



نضع الكونات داخل اكواب استنلس مدهون بالزيت حتي لا تلتصق
و علشان تقطعيهم علي شكل دواير
بس انا مش عندي اكواب فحطيتهم في اطباق استانلس
ومش نفرغ المحتوي كله لحد اخر الطبق علشان العجينه لسه بترتفع



ونحطهم في حله لعمل حمام مائي علي النار ونغطيها
بس راعي منسوب المياه علشان متعملش فوران علي اللانشون اثناء الغليان
ومتنسيش تحطي في مايه الغليان خل علشان الحله مش تسود



ونولع النار عليها ونغطي الحله ونسيبها ساعه الا ربع علي النار
دا شكلهم بعد ما عدي نصف الوقت



دا شكلهم بعد ما طلعو



نقلبهم علي طبق ونقطعهم



دا الشكل النهائي



وطعمها يجنننننننننن

ملاحظه ممكن تبتكري وتحطي جوا العجينه زيتون اسود او اخضر او قطع فراخ او مشروم
وتبقي عملتي كذا نوع

لو عجبكم متنسوش التقييم
روان
حصري مع وصفات كليوباترا

كعادتك يا رورو متالقه يا قمر تسلم ايديكى يا بخت اللي هتتجوزيه قوليله بيحسدوك عليه هههههههههههههههههه الله اكبر الله اكبر ربنا يحفظك

كليوباترا كتب:كعادتك يا رورو متالقه يا قمر تسلم ايديكى يا بخت اللي هتتجوزيه قوليله بيحسدوك عليه هههههههههههههههههه الله اكبر الله اكبر ربنا يحفظك

تسلمي يا حبيبتي حاضر هقوله ههههههههههه

ماشاء الله عليكى يا روان تحفه تسلم ايدك يا قمر

mervat ebrahim mohamed كتب:ماشاء الله عليكى يا روان تحفه تسلم ايدك يا قمر

تسلمي يا طنط ميرفت منوره

فين الردود والتقييم يا بنات
لا انا كدا زعلانه ومش هعزمكم علي اللانشون

هـــــي فعلا سهلة جدا ........
و أنا إن شاء الله بجربها ...
لأني مش بحب اشتريها من بره ....
و لا أنصح حد يشتريها من الخارج ..........
تسلمي يا عسل و إن شاء الله أقول النتيجة .......
بس يا خسارة الصور ماظهرتش ......
كان نفسي اشوفها

يارورو بجد كلمة تسلم ايديكى قليلة عليكى بجد وتم التقييم طبعا
بس يارورو يعنى ايه حبهان

لا حبيبى مش تزعل دانتى شطورة ماشاء الله عليكى تسلم ايدك يا رونة ياقمر انا هقيم عشان اجى اكل ههههههههههههههههههههههه
ممكن كمان يارورو نحط لون من عند العطار عشان يطلع زى اللى بيتشرى من بره وممكن بدل المرقة لحمة مفرومة او فراخ وممكن فول صويا بيبقى روعة وكمان مغذى

عسل ياروان ان شاء الله حجربه واقولك على النتيجه
تسلم ايدك ياقمر وربنا يخليكى لينا