زيت شعر يسبب الوفاه !! ايوه ادخلي علشان تعرفي

موضوع انهارده تحذير لكل ام

مأساه بمعني الكلمه

لما ام تفقد ضناها علشان حشره في الشعر

علشان خاطر شويه زيت

ايوه يا جماعه ارجوكم تنبيه وتحذير من



زيت الحبوبه



طفله لم تتعدي الحاديه عشره من عمرها في الصف الاول الاعدادي

ماتت بعد استخدام زيت الحبوبه

الطفلة «عزيزة» دهنت شعرها بـ«الحبوبة» فماتت

عارفين بيتكون من ايه الزيت ؟

عارفين الطب الشرعي قال ايه ؟

الطب الشرعى أثبت أن زجاجة الزيت التى قامت باستعماله تحتوى على

نسب كبيرة من مبيدات حشرية مثل «ديازينون» و«مالائيون» وهى مواد سامة تعرض مستخدمها لخطورة شديدة

لييييييييييييه كل ده ؟؟

دي مجرد حشره فالشعر مش ديناصور

علي فكره مش اول حادثه لـ زيت الحبوبه

ولما كان امهات تدخل تشتكي تقول بنتي او ابني من الحضانه او المدرسه

الشعر فيه حشرات

كان في عضوات كتير بترد
استخدمي زيت الحبوبه

وانا قريت عنه قبل كده نفس الحوادث اللي سببها

بس مكنتش عارفه فين المقال اللي اتكتب قبل كده عنه

وكان نفسي انزل الموضوع من زمان

علي قد ما الواحد اتأزم وحزن

لاكن كان لازم انصح كل ام

وكنت بشوف عضوات كتير بتحذر منه

وفي نفس الوقت كنت بشوف ناس تانيه تقول ليه بتحذرو ده كويس

المرادي قاله زيت كان فاسد
المرات الي فاتت كان ايه ؟
فاسد برضه !!!

يا امي
ارجوكي


لو جه في شعر طفلك اي حشرات ده مش عيب

دي فتره اختلاط مدارس وحضانات ونوادي

حتي لو نقلها ليكي الطفل مش عيب
الجنه تحت قدمك يا امي استحملي

في وسائل كتير


اولا استخدمي شامبو للحشرات في شامبو اسمه ايتم

استخدمي ليسيد

بس تاخدي بالك ان ليسيد بيقتل الحشرات مش بيقتل بويضات الحشرات

ممكن تخففي ديتول او سافلون غطاء مثلا

وتشتطفيه الشعر بيه

حاجه بتجيب من الاخر

انك كل يوم تغسلي ليها شعرها وتعمليه سشوار

السخونيه هتقتل كله

حاجه تانيه تغيري فرش المخدات والسراير علشان مش لما الطفل يخف

الادوات دي تنقله ليه تاني

كمان تطهري ادوات التسريح الفرش المشط التوك في ديتول

وتسبيهم فالشمس ينشفو

حاجه اخيره

تروحي المدرسه وتطلبي نقل طفلك لمكان تاني غير اللي اعد فيه

كل كم يوم تمسكي المشط الديق اوي (الفلايه)

وتحطي قطعه قماش بيضه علي رجلك

وتبتدي تسرحي

واصبري عليهم يا امي دول امانه في ادينا

والجنه تحت اقدامك مش من شويه

من عطفك وحنانك وصبرك

بس خلاص علشان مقهوره علي الطفله

ربنا يرحمها

اتمني التحذير يكون وصل وكل ام تبلغ الخبر




المصدر جريده اليوم السابع علشان تتاكدو
http://www.3553333.youm7.com/News.asp?NewsID=191407&SecID=163&IssueID=100

ربنا يحمى ويشفى ويستر
بس للامانه انا استخدمت حبوبه ليا بصفه شخصيه والحمد لله مجراش ليا حاجه جايز اتخلط فيه مكون تانى بقه ربنا يستر

لا حول ولا قوه الا بالله
ربنا يرحمها

انا نزلت لينك الخبر من جريده اليوم السابع
علشان محدش يقلي دي خزعبلات

ربنا يكرمكم يارب نبعد عنه وخلاص ملهاش لازمه وكمان ممكن المكوي بتاعت الكوافيره يا بنات بتقتل علطول البويضات ربنا يحمي بناتنا بجد بتبقي حاجه ممله في المدارس ربنا يحفظ بناتنا يارب وعايزين اسم واقي للشعر مش علاج حاجه تعمل وقايه حد يعرف ؟؟؟؟؟

لا والله معرفش اللي يعرف يقلنا

بجد جزاك الله كل خير وجعله فى ميزان حسناتك

انا قريت عن حاله زى دى قبل كده
هو الى بيخليها توصل للوفاه ان البنت بيكون عندها جرح فى راسها بيخلى الزيت ده يوصل بالمبيدات الى فيه يوصلو للدم مباشرة
وعن حاجه وقائيه اعتقد صعب يكون فى حاجه وقائيه
وجزاكى الله كل خير
ربنا يرحم البنت ويصبر امها اكيد ماكناتش تعرف انه خطر كده
ربنا يسترها معانا يارب