حملة لن اصبح مسلسل

نعم لن اصبح مسلسل امام التلفاز من مسلسل لاخر

لا لمسلسلات رمضان

بجد مش عارفه ايه الى حصل فى الزمن ده
رمضان بقى موسم المسلسلات
بدل مايبقى موسم العبادات

الناس بتبقى مسلسله فى رمضان من مسلسل للتانى
وتضيع الوقت قدام التلفزيون وطبعا احلى المسلسلات بتيجى بعد الفطار وقت صلاة التراويح وقيام الليل
يعنى الوقت الى المفروض نقضيه عباده
بنقضيه بنتفرج على مسلسلات كلها معصيه لله والعياذ بالله
حتى الى بيعملوها مابيراعوش ان احنا فى رمضان بيكون فيها مناظر تشيل الواحد كمية ذنوب

والاغرب ان الى مابيعملش كده بقى غريب
الناس تسأل انتى متابعه مسلسل ايه
ده طبعا سؤال عادى جدا فى رمضان
فانتى تردى انا مابتابعش مسلسلات فى رمضان
فدى تبقى اجابه غريبه جدا وتلاقى الى قدامك بيبصلك باستغراب قوى
ياسبحان الله
قال صلى الله عليه وسلم ( إن الإسلام بدأ غريبا وسيعود غريبا كما بدأ فطوبى للغرباء ) وده حديث حسن الاسناد
وطوبى دى معناها السرور وقرة العين
او اسم لمكان او شجره فى الجنه


المفروض ان ده وقت غالى جدا مابيتكررش لازم استغل فيه كل لحظه

حتقوليلى انا اصلا مابتفرجش على المسلسل غير وانا بعمل شغل او بعمل الاكل فبشغله قدامى
حقولك وليه تشغلى مسلسل ماتشغلى برنامج دينى تسمعى فيه كلمتين ترقق القلوب وتقربك من ربنا ومن دينه وتكونى بيهم فى مجلس علم وذكر لله

وبعدين كل المسلسلات دى بترجع تتعاد بعد رمضان ياستى لو فى مسلسل نفسك قوى تشوفيه ابقى شوفيه بعد رمضان
واهو تبقى عرفتى ايه المسلسل الى يستاهل انك تتابعيه وايه الى لا

المهم انك ماتضيعيش رمضان وايامه دى فرصه مابتجيش غير مره واحده فى السنه وياعالم حتعيشى للسنه الجايه ولا لا


ها مين حتقول انا معاكى

ربنا يقوى ايمانك يارب ياروان وتخرجى من رمضان وانتى ممن اعتقهم الله من النار

يارب

وانا معاكي ايضا

ربنا يقويكى ويقدرك على طاعته يارب

ايوه حبيبتى هو فعلا ليه اكتر من شكل بس مش كلهم اسنادهم حسن
انا جبت اصح اسناد منهم

وانا كمان معاكى

ربنا يكرمك يارب ياحبيبتى