أفضل مزيل عرق على الاطلاق

الليمون





ايوه يابنات الليمون رائع مع الاستخدام اليومى

بعد الاستحمام كده امسحى تحت الابط كويس

ومستحيل تشمى اى ريحه للعرق

وكمان روان اضافتلى معلومه ماكنتش اعرفها هو انه بيبض

يعنى حيكون اتنين فى واحد

اعتقد مافيش احسن من كده مزيل للعرق

لان مزيلات العرق الى احنا بنشتريها بتسمر تحت الابط

الشبه مع المسك كمان نتيجتها جميله جدا لكن انا للاسف مش متوفره عندى هنا فقلت اجرب الليمون

ومن يومها وانا مابستعملش غيره وبطلت استعمل كل مزيلات العرق

جربوه ومش حتندمو وان شاء الله النتيجه حتعجبكم

وماتنسوش التقييم لو الموضوع عجبكم

عندك حق هو جمييييييييييييل جدا جدا
ربنا يبارك فيك

فعلا رائع يا امانى ومنورانى دايما ياقمر

تسلم ايديكى يا قمر بس عايزه اسأل الليمون لوحده ما يعملش التهاب؟؟ و كمان سؤال لو سمحتو قولولى اعمل التقييم ازاى و منيين و شكراااااااً

تسلم ايدك يا بطوط هجربها ولازم اقولك النتيجة بجد
بس بعد ما نمسح بيه نغسل طبعا بس نفضل نمسح كتير اوى ولا امشى بس

لا ياحبيبتى مابيعملش اى التهاب خالص ان شاء الله بس ماتستخدمهوش لو فى جرح او بعد ازالة الشعر مباشرة لانه حيحرقك

والتقييم ياقمر لازم تقييمك انتى يبقى اكتر من 8 عشان تقدرى تقييمى وانتى عندك 2 بس وانا حقيمك حالا ان شاء الله

وتسلميلى يامي

لا ياايمى ياحبيبتى مش حتغسليه انتى حتستخدميه زى مابتستخدمى اى مزيل عرق تمسحى بيه تحت الابط وخلاص تمشى على كده

حلو أوووى الموضوع , بس أكيد لازم نغسل مكان محطينا الليمون لأن أنا بالنسبالى مش هقدر أستحمله عليه وأخرج وهو لسه محطوط

طيب والريحة والهدوم مش هيحصل حاجة مش انتى قصدك همشى الليمونة صح طيب مش هيبقع فى الهدوم وريحته كمان

منار جمال كتب:حلو أوووى الموضوع , بس أكيد لازم نغسل مكان محطينا الليمون لأن أنا بالنسبالى مش هقدر أستحمله عليه وأخرج وهو لسه محطوط

لا هو المفروض مابيتغسلش بس لو انتى جسمك حساس قوى اغسليه

emy ghanem كتب:طيب والريحة والهدوم مش هيحصل حاجة مش انتى قصدك همشى الليمونة صح طيب مش هيبقع فى الهدوم وريحته كمان

ريحته بتبقى جميله يا ايمى ومابتبقاش ظاهره قوى وكمان ماتخافيش على الهدوم مابيبقعش ولا حاجه انتى اصلا حتمسحى مسحه خفيفه
يا اما تمشى الليمونه او تحطى نقطتين على ايدك وتمسحى بيهم