حمام زيت هيعالج شعرك ومعلومات اول مره هتسمعيها

روان كتب:

البشره ليها امتداد للشعر
بمعني نوع البشره له علاقه بنوع الشعر
وغلط يكون شعري فيه قشره واستخدم شامبو للشعر العادي
لان القشره بتتراكم وتزيد وبتسقط الشعر وتخليه باهت

والزيوت والماسكات الطبيعيه بتطري الشعر وتخليه في صوره افضل كتير
ومينفعش اعمل ماسك مره واهمل بعد كدا
ولكن الماسكات الطبيعيه بتحتاج مداومه علي الماسكات

ودا ماسك بيغذي الشعر
بيوقف التساقط
بيشيل القشره
وبيخلي الشعر لامع


وهقول فايده تركيبه الماسك

اولا زيت الجرجير مهم جدا لتقويه الشعر وانباته وازاله القشره وبيشيل التقصيف
هناخد معلقه زيت جرجير
معاها معلقه زيت توم
لانه بيغذي الشعر وبيقويه وبيشيل القشره
ومعلقه زيت جوز الهند
لانه من الزيوت اللي بتنعم الشعر

الطريقه
تخلط المقادير معا جيدا
وثم نغسل شعرنا بالشامبو
لازاله الاوساخ والدهون المتراكمه علي عكس الاعتقاد الشائع
انه يتعمل علي ناشف
لان المسام مقفوله
مش هيعمل نتيجه مجزيه
ودا طبعا هنعمله بعد ما ناخد حمام دافيء
لان البخار بيفتح المسام بتاع فروه الراس
وبعد ما تخلصي حمامك
تاخدي الزيت دا وتحطيه في الجذور بس
ومسحه خفيفه كدا نقطه او اتنين علي باقي الشعر
مش ندهنه بالطريقه الشائعه
لان التوم مينفعش يتحط علي الشعر
ولا زيت الجرجير برده
زيت جوز الهند بيتحط عادي علي الشعر بس مش مع التركيبه دي
هنا الزيت محطوط لمجرد يعمل معادله بين الزيوت
ويعادل قوتهم ويديني نعومه وليونه
ونحطه من 3 الي اربع ساعات فقط لا غير
غير كدا اعتقادات خاطئه بالمره

جربو وادعولي
حصري مع وصفات كليوباترا
وياريت تشوفو الفيديو هيوضح الموضوع اكتر
لو عجبكم متنسوش التقييم

ام انتصار كتب:تسلم ايدك يا روان

فاطمة الزهراء كتب:جميل ياروان
تسلمى

emy ghanem كتب:هو ده الشغل جامد يا رورو ربنا يجازيكى كل خير حبيبتى ويسلم لينا تعبك يا سكر