مسابقه شهر يوليه الجديده يا اميرات وهدايا جميله

من عنيه الاتنين ممكن نعمل موضوع مثلا عن طبخات للارز بانواعه
مش مهم يبقي المووضوع مش منقول كلي بمعنى انا ممكن اجيب مجموعه من المعلومات واعيد ترتبيها واضيف طريقتى في النص مع تجميع للمووضوع من كل مجالاته زي بحث ممكن طرق قص الشعر نجيبها من موقع اجنبي الصور ونكتب الطريقه للي بتعرف بالخطوات ممكن زي كا قلتلكم نعمل فطار لرمضان يومي نبداه دلوقتى مكون من شوربه وسلطه وطبق رئيسي ونوع من النشويات وجبه متكامله علي اساس اننا بنحتار في عمايل الفطار فندخل نلاق وصفه كامله ممكن حلقات من تجهييز العروسه يعنى اول جزء مثلا اللانجيري ونعمل كام واحد وانواعه مثلا واشكال منه وتكتب رايها كام واحد وبعد كده الرد اللي بعده ادوات المطبخ البلاستيكيه مثلا وهكذا ممكن حلقات عن الديكور بردوا مجمعه نمسك حته حته الحائط والسقف والبلكونه وتجهيزها وهكذا غرفه النوم بستائرها وهكذا افكار للتنظيم في كل غرفه مووضوع تانى بردوا مجمع ويتربت من جديد ويضاف ارائنا بداخل الموضوع وهكذا يارب اكون قربت الفكره ليكم يارب يا فطومه انواع المراتب الموجوده بردوا في موضوع العروسه موضوع شامل يعنى نمسك موضوع من راسه لرجله علشان الملفات ديه بتبقي رائعه لاي عروسه او ست بيت بتنفعها جدا
يارب يوفقكم يارب والاقي مشاركات جامده باذن الله وانا هبدا في موضوع ربنا يقدرنى ان شاء الله ويبقي مفيد للكل

انا كنت عملت كده فعلا فى الموضوع الى انا نزلته قبل كده عن طرق ازالة الشعر قريت مواضيع كتير وجبت منها واضفت انا كمان ومن الاراء الى سمعتها وعملته هو بياخد وقت ومجهود بس كله بثوابه ان شاء الله حعمل حاجه جديده حلوه الافكار الى انتى قولتيها دى
ان شاء الله حستقر على فكره واعملها
بس انا بيبقى عندى مشكله ان الموضوع بياخد وقت فى الكتابه وانا مابعرفش اقعد فتره طويله على بعض فبضطر اكتب شويه وانزلهم على المنتدى وهما كده وطبعا كده الموضوع بيكون ناقص
وكل شويه ادخل واعمل تعديل واكمل
هو مافيش طريقه تخلينى اكتبه واحده واحده وانزله كله على بعضه مره واحده
عشان كمان فى ناس بتدخل تقرا وهو ناقص وماتكتبش رد وعلى ماكمله ممكن مايدخلوش تانى وانا عايزه اجمع ردود عشان المسابقه

بصي يا فطومه انا هوريكم دلوقتى طريقه الموضوع تبقي ازاى هنزل مثال انتى هتعملي زي حلقات بالعكس بتشد الناس وبتدخل تتابعها اكتر من ان الموضوع يبقي كتله كامله علي بعضه هتكتب ي الجزء اللي هتعمليه وتكتبي لسه في باقي يتبع وتكبريها وانتظرونى في الجزء الجديد هنا باذن الله يتبع ديه بتعرف اللي بيقري ان الموضوع مكمل وفعلا موضوع بتاع ازاله الشعر كان مميز جدااااااااااااااااااااااااااااااا بجد كان روعه هوه ده اللي عايزينه بالبظبط يبقي لنا بصمه في الموضوع وكمان الموضوع اللي هتبداي فيه هيتضاف في التجميع للمواضيع وهنزل لينك لمواضيع المسابقه المضافه كلها تحت الاعلان بتاع المسابقه علشان الردود بس ابداوا وانا هظبط الموضوع ليكم باذن الله وبنزله علي الفيس كمان لتنشيطه هعمل لينكات كمان في الجنب باسم المواضيع اللي نازله المسابقه موضوع فاطمه وبعدين موضوع رندا مثلا وفوقيهم مواضيع المسابقه ان شاء الله هوريكم حالا الشغل

ماشى ياقمر حمستينى وانا فى الانتظار

انا قررت حعمل ايه
حعمل الموضوع بتاع الاكل فى رمضان وازاى ممكن نجهز من قبل رمضان عشان يوفر معانا الوقت ونخزن فى الفريزر وشغل البيت وحتى العبادات ان شاء الله حخليه موضوع شامل على قد ماقدر وربنا يقدرنى بكل الى يخص رمضان
ومستنيه اشوف موضوعك

يارب المنتدى يبقى دايما نشيط كده
وموضوعك فكرته جميله يافطومه ربنا يقويكى
شوقتينى اقراه

اه والله بجد جامد جدا يا فطومه الفكره تحفه وشامله اوي ويارب يجعله في ميزان حسناتك يا فطومه يارب يوفقك يا حبيبتى يارب شوقتينى بجد اقراه

تسلمولى يارب ياحبايب قلبى حلو قوى التشجيع ده انتو كده حمستونى قوى وان شاء الله الموضوع يطلع جميل ويستاهل

ربنا يخليكي لينا يا كوكي يا رب