واسكندرية تانى

واسكندرية تانى
واه من العشق ياني

والرمل الزعفراني
علي الشط الكهرماني

والسحر اللي احتويته
والبحر اللي احتواني
والبحر ابو الف موجة
والموجة بالف حالة
وانا المغرم صبابة باسكندرية يا ابا
وفكرة كوني انسي في حكم الاستحالة
في حكم الاستحالة


عشقت بحرك وغرقت فيكي
وصبحت عندك في العشق حالة
وسمعت منك وعشقت فيكي
وعجبني قربك علي اي حالة
وعشقت فيكي الخواجة ياني
اجريكي لكن مصراوي جني


اسكندراني عاشق اغاني
جعان يغني شبعان يغني
ويبات في حالة يصبح في حالة
وكونه ينسي دي الاستحالة
وسمعت صوت النديم نسايم
علي البحر صابحة
والبحر هايم
وسمعت سيد بيقول يا مصري الدنيا صاحية
ليه انت نايم

ولما عاند وخاني عصري
لا شد ضهري ولا خد بنصري
بنيت في حضنك علي الرملة قصري

وفتحت علي البحر حضن مصري
ادي القضية وادي الرسالة
وكوني انسي دي الاستحالة

أحمد فؤاد نجم

تسلم ايدك انا بعشق الاسكندريه بجنوووووووووووووون
وبحب كل اللى بيحبها

وحشتنييييييييييي ووحشنى البحر بجد نفسي اسافر تسلمى يا ميرفت يارب