ااالكرنفال

الكرنفال دى اكله ايطالى ومعنى كلمة الكرنفال يعنى المهرجان ودلوقتى حتعرفو هى ليه اسمها كده
هى اكله متكامله غذائيا




كوب كبير رز ابيض

جزره
بطاطسيه متوسطة الحجم
شوية بسله خضرا


ربع كيلو لحمه مفرومه

معلقه كبيره دقيق وكوباية حليب زيت و زبده ومكعب مرقة ماجى وشوية جبنه رومى او بارميجان لعمل البشاميل




الاول حنسوى الرز على الطريقه الايطاليه
وهى اننا نشوحهه فى شوية زيت وبعدين نزود الميه او الشوربه وهو على نار متوسطه ونقلب لحد مايتشرب الميه وكل مالميه تنشف نزود ميه كمان ونقلب لحد مايستويي وماتنسيش تظبطى الملح والميه الى بتزوديها بتكون سخنه الرز بيطلع فى الاخر معجن شويه وقوامه كريمى


ثانيا حنقطع الجزر والبطاطس مكعبات وحنشوحهم فى الزبده مع البسله ونزود ملح وفلفل وبعدين نزود شوية ميه ونسيبهم يستوو

ثالثا نعمل البشاميل عن طريق اننا نشوح الدقيق فى الزيت والزبده وبعدين نضيف الحليب ونقلب وبعدين نضيف مكعب مرقة ماجى والجبنه الرومى او البارميجان ومش حنحتاج نزود ملح

رابعا نعصج اللحمه

نجيب صنيه مستطيله صغيره ندهنها زبده ونضع طبقة بشاميل تم نضع الرز ثم نضع البطاطس والجزر والبسله ثم نضع اللحمه المعصجه ثم نضع طبقه اخرى من البشاميل على الوجه ونرش عليها جبنه بارميجان
نحطها فى الفرن على درجه250 درجه مئويه لحد الوش مايتحمر



[img][/img]



وبالهنا والشفا

ماتنسوش التقييم

تستهلي التقيم ياقمر
طريقه جديده وحلوه جدا .....عرفه وقت كتير بيطلع مني الرز معجن ومش عرفه اعمل فيه ايه
بالشكل ده انا ممكن اعمله الطريقه الجميله ديه

يا مظبطانا ديما يا فطومه ربنا يكرمك يارب

manyensh كتب:تستهلي التقيم ياقمر
طريقه جديده وحلوه جدا .....عرفه وقت كتير بيطلع مني الرز معجن ومش عرفه اعمل فيه ايه
بالشكل ده انا ممكن اعمله الطريقه الجميله ديه

ربنا يباركلى فيكى يارب يا امانى ويحفظك ياقمر يارب
لما الرز يعجن منك قوللهم انا الى قاصده اعمله على الطريقه الايطاليه يعنى غلطتك انك بتحبى تنوعيلهم
ربنا يباركلك فيهم يارب

كليوباترا كتب:يا مظبطانا ديما يا فطومه ربنا يكرمك يارب

انا عيونى ليكم ياحبيتى

فعلا انا هقول كده يافطومه..وكمان هقولهم ديه اختراعات جديده من صديقتي في ايطاليا