تتجوزيني .....

في كلام لما بيتقال بيغير كل حياتنا معاه
ع اللي بيستاهلو ندور طول العمر و نستناه
انا من اللحظة دي بقولك اني بحبك اكتر
انتي اللي عشانك بكتب شعر انتي اللي عشانها بغني

تتجوزيني

مش عايز غيرك في الحياة اوعي تسبيني
من ما اتكلم انتي بتسمعيني
عشانك اطول السما لو حبتيني

انا حاسس ان الكون وياكي بشوفه بشكل جديد
الدنيا بتضحك وانتي معايا تكشر و انتي بعيد
انا شايف فيكي ولادنا و مستقبلنا و دنيا امان
مهما هنكبر و نعجز هفضل احبك زي زمان

تتجوزيني

مش عايز غيرك في الحياة اوعي تسبيني

من ما اتكلم انتي بتفهميني
عشانك اطول السما لو حبتيني



أثارت هذه الأغنية بلبلة عظمى من بعض المشايخ والذى
أفتوا بأن الأغانى حرام إلى الأبد ولكن للداعية الإسلامية معز مسعود وجهة
نظر أخرى.
التلحين : الداعية معز مسعود
بصوت :المغنى هانى عادل -من فريق وسط البلد-

وده كان رد معز مسعود :

الحمد لله و الصلاة و السلام على سيدنا رسول الله و على آله و صحبه و من والاه , أما بعد:

1- اختلف فقهاء الإسلام عبر العصور في حكم الغِناء و الآلات الموسيقية ,
فذهب عدد من العُلماء إلى التحريم و هو المشهور في المذاهب الأربعة, و ذهب
عدد من العلماء إلى الجواز بشروط و ضوابط معينة. و ممن ذهب إلى الجواز
الإمام أبو حامد الغزالي و الإمام ابن حزم الأندلسي , و الإمام ابن
القيسراني الحنبلي , و الإمام عبد الغني النابلسي , و عدد من عُلمائِنا
المعاصرين مثل الشيخ محمد الغزالي , و الشيخ الشعراوي , و الشيخ يوسف
القرضاوي , و الشيخ علي جمعة مفتي الديار المصرية و غيرهم.

2- ما دامت المسألة من المسائل الفقهية الخلافية فإنه لا يُنكَر على من أخذ
بأحد القولين لأن القاعدة عند العلماء أنه "إنما يُنكَر المتفق عليه و لا
يُنكَر المختلف فيه" . فمن تبنى القول بالحرمة فلا إنكار عليه و من تبنى
القول بالجواز فلا إنكار عليه.

3- بعد استشارة عدد من العلماء المشهود لهم تبنيت القول بالجواز و حاولت أن أوظفه في خطوة تفتح للشباب باباً إلى الفضيلة و الانضباط.

4- الأغنية دعوة إلى الزواج في محاولة لإخراج الشباب من المصاحبة , و تقديم
بديل تقبله الأوساط الشبابية و يُحول علاقاتهم إلى علاقات هادفة و منضبطة.

5- من كان يرى الحرمة فإنني لا أنكر عليه , و لكنني في نفس الوقت أدعوه إلى عدم الإنكار على من خالفه و أخذ بالقول الذي يجيز.

6- ليس هناك ارتباط بين الأغنية و بين قضية عيد الحب بل هي دعوة مفتوحة إلى
ترشيد العلاقات بين الشباب , و إنما تم طرحها في وقت يكثر فيه الكلام عن
قضية الحب.


معز مسعود

بيتهيألي ان الاغاني بتوصل اسرع للشباب و عشان كده الداعية اختار الطريقة دي عشان يوصل لهم الرسالة
وهي عدم مخالطة البنات للشباب و الوقوع في الحب فاذا كان الحب بين الطرفين فالخطوبة ثم الزواج
الموضوع مجمع
ايه رأيكم

مووووووووووووووضوع جميل طبعا تسلمي يا قمر ومفيد جدا