ارز في حلة الضغط

السلام عليكم في ناس كتير بتقول ان حلة الضغط متنفعش غير لسلق اللحوم بس والله انا بعمل فيها احلي رز وايه فسبع دقايق بس ..... بس هي الحلة ليها خطوات لوعملتيها هيطلع معاكي رز محصلش شوفي ياستي هتجيبي الحلة وتحطي فيها المرقة لكل كوب رز كوب وربع مرق ايا كان حجم الكوب كبير او صغير وتسيبي المرق لغاية متغلي هتحطي الرز والحبهان طبعا علشان الرز مبيبقاش حلو من غيره وتقفلي الحلة اول متبدا تعمل الصوت العالي بتاعها هتنقلي الحلة علي اهدي نار عندك وتعدي سبع دقايق وتطفي النار ومتفتحيش الحلة طبعا لسببين الاول ان الرز هيكمل سواه جوة الحلة علي البخار المكتوم والثاني ان الحلة متفرقعش فوشك اول متبطل تعمل الصوت تقدري تفتحيها وبالهنا والشفا

تسلم ايدك نجرب ونشوف

شكرا يا اية ومتفلقيش هيعجبك قوي ان شاء الله

هاااااااااايل بصراحه معنديش هيه حلوه اوي يا بنات اجيبها ولا ملهاش لازمه حد يدلنى

كليو لوعاوزة تجيبيها هي جميلة جدا بس لو عرفتي ازاي تستخدميها بجد هي بتنفع فوقت الزنقة علي فكرةانا عندي منها 2 وحدة صغيرة 5لتر والتانية كبيرة 7لتر وفي اوقات بستخدم الاتنين فوفت واحد وممكن اعمل موضوع تاني عن المدد اللي بيستغرقها الاكل فيها

شكرا يا اية علي كلامك الجميل يارب اكون افدتك بجد

انا هجربها لما انزل مصر ان شاء الله
لانى ماجبتش هنا واحده
ومضايقه جدا
لانى مش لاقيه واحده صغيره هنا
انا عندى فى مصر الكبيره
وماكنتش بعمل الاكل الا فيها
لانها فعلا بتنجز جدا
انصحك بيها ياكوكو
ومليون شكر ليكى يا ام جنه وفرحه

تسلم ايدك
و للعلم ممكن يتعمل فيها المحشي كمان و في 10 دقائق بس

ان شاء الله تنزلي بالسلامة يا رورو وربنا يكرمك وتلاقي وحدة تناسبك عندك مش عندكو هايبرماركت زي كارفور واوشن ومترو لو في اوشن عندك هو بينزلها علطوا في العروض بتاعته وباسعار مناسبة