طريقة حلوة لعمل صلصة المكرونة

في الاول كنت بعمل الصلصة ( عصير الطماطم في الخلاط)
بس اتعلمت حاجة جديدة امي علمتهالي وبجد طعمها جميل اوي
بصي يا ستي :
1- بتجيبي 5 حبات طماطم او علي حسب عدد افراد اسرتك المناسب ليكي
2- ابشري الطماطم بالمبشرة( زي ما بتبشري البصل)( وطبعا القشر اللي في الاخر بيترمي)
3- سخني الزيت وقطعي بصله متوسطه وسيبيها فالزيت لحد ما تدبل ونزلي معاها كم فص توم مدقوق (اوعي تغفلي عنها لتتحرق)
4- اسقطي الطماطم المبشورة
5- نزلي عليهم (الملح - الفلفل- بهار مشكل)
6- قلبيهم وروحي هاتي جبنه رومي وابشريها بالكميه اللي تعجبك
7- لو في برنجان مقلي قطعيه حتت صغيرة
8- هاتي فلفل اخضر كفايه وحده متوسطه وقطعيها مكعبات
9- نزلي الفلفل وسبيه شويه مش كتير وبعدين نزلي البرنجان والرومي سبيها في الاخر
10- وقلبيها وسيبها تسبك

طريقه جديده اوي بجد اول مره اسمعها تسلمي يا قمر بجد اول مساهمه ومتميزه جداااااااااااا نورتى المنتدي كله

شكلها جميله جدا حكربها ان شاء الله
تسلم ايدك ياقمر

اوى مره اسمع عنها هجربها ان شاء الله اوى تطلع وحشة هههههههه

تسلمو جميعا علي مروركم الجميل ويارب تعجبكم وان شاء الله تطلع حلوة واللي يجرب يقولي

واضح انها طريقة حلوة بس انا عندي شك في حكاية الباذنجان دي .... انتي متأكدة منها ؟؟؟
هههههههههههه
على كل حال ان شاء الله هجربها ... تسلم ايدك يا قمر

تسلمي يا حبيبتي متخفيش الباذنجان حلو مش وحش وعامه لو مبتحبوش حاولي تجربيها من غيره فالاول وشوفي اللي يعجيك ولو جربتيها قوليلي رايك

تسلمى يا قمر نورتينا وشرفتينا

الشرف ليا أنا بانضمامي اليكم شكرا جزيلا