من مطبخى حصرى على وصفات كليوباترا كيكة التفاح والكراميل

الكيكه دى سهله وجميله جدا يابنات انا دايما اعملها وبتعجب اى حد يدوقها الاطفال والكبار


عشان كده قلت اجيبهالكم وان شاء الله تعجبكم





مقادير الكيكه العاديه

5 بيضات
2 كوب دقيق
1 و ربع كوب سكر
نص كوب حليب
نص كوب زيت
بيكنج بودر
فانيليا


ودى مقادير تانيه للكيكه
بيضتين
2 كوب دقيق
1 ونص كوب سكر
1 كوب حليب
نص كوب زيت
فانيليا
بيكنج بودر


او اى مقادير انتى بتعملى ىيها الكيكه


المقادير دى بتكفى لعمل صنيتين اتنين قطر الواحده من 25 ل 30 سم



كميه من السكر لعمل الكراميل حوالى 4 معالق كبيره للصنيه الواحده

2 او 3 تفاحات




نجيب السكر بتاع الكراميل ونرشه فى الصنيه


[img][url=https://servimg.com/view/14570939/1570]

و نضعها على نار متوسطه لحد مالسكر يدوب ويبقى كراميل بس تشيليه وهو لونه برتقالى كده اوعى تسيبيه لحد مايغمق لحسن يمرر


[/url]


بعدين تجيبى التفاح وتقشريه وتقطعيه اربع وكل ربع تقطعيه شرايح رفيعه بس مش رفيعه قوى
ترصى الشرايح فى الصينيه على شكل دايره ترصيها كده على اطراف الصينيه بحيث يكون رأس التفاحه لجدار الصينيه والطرف ناحية الداخل واحده جنب التانيه لحد ماتكملى الصينيه
حتعملى طبقه واحده من التفاح




بعدين تعملى الكيكه
طريقة الكيكه نضيف البيض مع السكر والفانيليا ونضربهم بالمضرب لحد ماتهيش بس مش حتهيش قوى زى الكيكه الاسفنيه وتبقى تقيله لما نرفع بالمضرب ونعمل خط على الوش يختفى بشويش وبعدين نضيف الدقيق والبيكنج بودر شويه بشويه ونقلب بعدين نضيف الحليب والزيت شويه بشويه ونقلب
نصب الكيكه على التفاح ونراعى اننا نحط نص مقدار الكيكه بس والنص التانى فى الصينيه التانيه او من البدايه تعملى الكيكه بنص مقادرها


[url=https://servimg.com/view/14570939/1573][/url]

ندخلها الفرن على درجة حراره 180 لمدة 35 دقيقه

ولما تطلع تمشى على اطراف الصينيه بالسكينه وبعدين نقلب الكيكه

وبالهنا والشفا الى تجربها تقولى


الصوره النهائيه دوخت انزلها مش راضيه تنزل مش عارفه ايه حكايتها بس ان شاء الله حجرب انزلها تانى


وماتنسوش التقييم




ممكن النص التانى من عجينة الكيكه تضيفى عليه زبيب وتقلبيه معاها وتدخليها الفرن وتبقى كيكه بالزبيب روعه

او تضيفى عليه زبيب مع قطع من قشر البرتقال بعد ماتبشرى الطبقه الخارجيه من القشره وتقطعيها قطع صغيره 1سم فى 1سم

تسلم ايدك
تم التقيم ياقمر

تسلميلى يارب ياقمر

ياجامد يا بطوط يا جامد ميه ميه ولازم اجربها
تسلم ايدك وهقيملك من عيونى ياسكر

تسلمى انتى يا احلى ايمى ربنا يبارك فيكى يارب

تحفه تسلم ايديكى يا قمر

يعنى كده يبقى الكراميل تحت وفوقيه التفاح وبعدين عليهم الكيكه ونحطهم فى الفرن وتسلم ايدك يا قمر

بالظبط كده ياهاميس ولما بتطلع بتقلبيها فبيكون الوش هو الى عليه الكراميل والتفاح
وبيكون شكلها حلو قوى
وبالهنا والشفا يا جميل

من طريقه كلامك
الواحد جاع وحابب يجربها
بس فى سوال
اصل انا لسه جديده فى الحاجات دى
انتى هتحطى السكر من غير ما تضيفى عليه اى سائل هيدوم ويبقه كراميل
ولا لازم تحطى سائل عليه زى شويه ميه كده
وانتى مقلتيش لانها بديهى

دوما توك حبيبة قلبى كلنا كنا جداد فى حاجه زى دى فى الاول احنا كمان اسألى اى سؤال وانا تحت امرك ياقمر وان شاء الله تجربيها وتعكبك جدا هى سهله قوى لو جربتيها
بالنسبه للسكر بتحطيه كده فى الصينيه من غير اى حاجه خااالص حتى الصينيه تكون ناشفه وانتى لما تحطيها على النار حيدوب لوحده وبس ابقى حركى الصينيه لما يدوب كله من كل الاطراف اوعى تقلبيها باى معلقه بس حركى الصينيه واوعى تسيبيه لحد مايغمق
لو احتيجتى تسألى على اى حاجه تانيه انا فى الخدمه ياقمر