ادوني رايكم بليييييييييييز

هاااي يااميرات انا مضايقة اوي انا هحكيلكم وانتوا قوقولي رايكم بصوا انا انهاردة قريت شات كان بين واحد اعرفة كويس اوي وواحد صاحبة انا اتصدمت من الكلام الواحد اللي المفروض اني اعرفة بيتكلم بطريقة وحشة اوووووووووووي مع صاحبة دة عارفين اللي هو تهريج بشتايم وكلام مش كويس انا معرفش دي طريقة الكلام بين الولاد وهما لوحدهم يعني ولا اية انا مليش اخوات صبيان ومعرفش حاجة عن سهاري الصبيان دي اللي استغربتلة بقي ان هو معاية كويس اوي ومبيتكلمش الكلام دة حتي لو كنا في حتة وسمعنا الشتايم دي يقعد يكلمني في اي حاجة علشان مفتكرش الكلام الوحش اللي سمعتة دة انا مش عارفة انا مكبره الموضوع ولا هو فعلا كبير بس انا اضيقت اووووووي ومتلغبطة اوي مش عارفة افكر في ساعات اقول يمكن انا مكبرت الموضوع علشان مليش اخوات صبيان ومفيش تعامل مباشر مع الصبيان وفي ساعات اقول لا المفروض الحد المحترم محترم علي طول مش بوشين انا عارفة ان مفيش راجل ميعرف الشتايم دي والكبلم الوحش دة بس انا اضيقت منة اوي قولولي انا مكبرة الموضوع؟؟؟

انا بردو حصل معايا نفس الموقف حد قريب منى قوى ولقيته بيقول كده مع انى عمرى ما سمعته بيقول شتايم ابداااااا بس الظاهر دى طريقه كلام الولاد مع بعض كده انا بردوو اضايقت ساعتها وحسيته انسان تانى خالص غير اللى اعرفه بس مع الوقت نسيت وقلت يبئا اكيد الرجاله كلهم كده

عارفة انا دلواقت حالا وانا بكتبللك حاسة اني مش عايزة اعرف الشخص تاني خالللللص مش متخيلة انة بيتكلم بالالفاظ دي قرفت منة مش عارفة اعمل اية

انا كنت كده برضو بس اكتشفت ان ده العادي بين الولاد حتي المحترمين جدا
انا بشوف دكاتره محترمين جدا وميطلعش من بقهم اي لفظ ولا حتي طريقه وحشه في الكلام بس لما بيبقو مع صحابهم بيكونو حاجه تانيه والفاظهم خاصه بيهم مش حلوه
بس المهم عرفت ان ده عادي جدا بين الولاد عندهم الافاظ الوحشه زي المستيكه في بقهم بس بينهم وبين بعضيهم بس قدام اي حد مش بيقولو حاجه
لكن الواحد اللي مش محترم باه اللي هو بيقول اي الفاظ قدام اي حد مش بيهمه حد

هو فعلا الشباب مابينهم وبين بعض بتبقى هى دى طريقة كلامهم انا كمان اتصدمت زيكم فى مره من المرات بس بعد كده اكتشفت ان ده عادى جدا هما كده مع اصحابهم بس وناس فعلا بتكون محترمه جدا بس لما يتجمعو مع اصحابهم لوحدهم بيكونو حاجه تانيه خالص
انتى اتصدمتى بس عشان ماكنتيش تعرفى حاجه زى دى لكن لازم تعرفى ان ده عادى مابين الشباب

حببتى الاصحاب مع بعض بيبقو حاجه تانيه خالص غير لما كل واحد يكون لواحده فعادى اللى انت شفتيها كل الشباب كدا

يعني انا اعمل اية واتصرف ازاي خصوصا بعد ماعرفتة اني عارفة هو عرف اني عرفت كل الكلام الوحش اللي اتقالي وقالي انا بتكلم كدا مع اصحابي ومش احنا بس وانا عمري ماتكلمت معاكي ولا قدامك كدا ولا هعملها واتكلم كدا وطبعا ساب الموضوع الاساسي وقفش في اني ازاي ادور وراه وافتش وهي فعلا حركة رخمة مني بس انا بناااااار بحب اعرف بيعمل اية وبيكلم مين وقالوا اية بس ف هو مخاصمني والموضوع شكلة وسع مني اعمل اية بقققققققي ؟؟؟