عرق اليدين والقدمين

بجد موضوع محرج اوى ربنا ما يوريكم
لما تكون بنت اموره وشيك ومتفوقه
وايدها مبلوله علطول خصوصالو مخطوبه
او متجوزه

بجد احساس بشع اوى بيخلى مفيش اى ثقه

عشان كدا انا بحاول اشوف حل


هكلمكو عن الموضوع الاول

وهقولكو انا ناويه اعمل ايه وان شاء الله
هحجز عند دكتور جلديه قريب

عشان اشوف حل



صحاب مشكلة زيادة تعرق اليدين بالذات يقررون البحث عن علاج عندما تلوح في الأفق فرص التعرف على من يمكن أن يكون مرشحا لعلاقة ممتدة من ارتباط عاطفي فخطوبة فزواج . ذلك أن المشكلة واضحة تضع نفسها في الصف الأول ، ظاهرة للآخر منذ المصافحة الأولى .
.

أسباب زيادة التعرق

وزيادة التعرق لها نوعين أولي وثانوي . والنوع الأول وهو الذي لايمكن تحديد سبب له وينتج عن زيادة في نشاط الجهاز العصبي السمبثاوي ، ويمكن أن يقود الى تعرق غزير في أماكن مختلفة من الجسم مثل راحة اليوم والابط وباطن القدم ، بينما ينتج النوع الثانوي من بعض الأمراض مثل الشلل الرعاش (باركنسون) وزيادة افراز الغدة الدرقية ومرض السكر وزيادة افراز الغدة النخامية، وارتفاع درجة حرارة الجسم ، وانخفاض السكر في الدم وفي حالة سن اليأس . ويصيب النوع الثانوي كل مناطق الجسم في العادة .

العلاج

وعندما تكون زيادة التعرق نتيجة ثانوية لمرض أولي فان علاج السبب سيكون بالتأكيد هو الخطوة الأولي للتخلص من هذه المشكلة المؤرقة ، بينما يوجه العلاج في النوع الأولي والذي لا يمكن نسبته لمرض ما الى مواجهة موضوع التعرق ذاته وبوسائل متعددة ومختلفة .

والعلاج الموضعي لزيادة التعرق عموما له طرق عدة أبسطها هو تقليل التعرق الغزير أو التحكم فيه عن طريق علاجات خارجية مثل استعمال كلوريد الألومنيوم ( الشبه ) أو مضادات العرق الكيماوية ذات القوة الزائدة . والعلاج الموضعي يستعمل بصفة منتطمة في علاج الحالات البسيطة والمتوسطة من التعرق الزائد . كما يمكن استعمال أدوية عن طريق الفم للسيطرة على العرق الزائد مثل مضادات الكولين ومضادات بيتا وبعض الأدوية المهدئة .

وفي بعض الحالات كان العلاج يتم بواسطة سم البوتوكس ، حيث يحقن في الوصلات العصبية العضلية وفي نقاط ما بعد العقد السمبثاوية في الأعصاب المغذية للغدد العرقية ، وكان هذا الأسلوب يعالج التعرق في اليد وتحت الابط . ويستمر تأثير حقن البوتوكس لمدة سنة واحدة ولكنه قد يزول خلال 4 شهور . وصعوبة هذا الاسلوب العلاجي هي في الالام المصاحبة للحقن وفي ارتفاع ثمن سم البوتوكس ، كما أن العضلات الصغيرة في راحة اليد قد تتأثر وتضعف .

وفي الحالات الصعبة من غزارة تعرق اليدين كان بعض الأطباء ينصحون بالتدخل الجراحي ، حيث يتم قطع العصب السمبثاوي المغذي للمنطقة المطلوب علاجها ليتم ايقاف انتشار الاشارات العصبية من خلال العصب الى الغدد العرقية ، ويمكن اجراء هذه الجراحة في أي مكان في الجسم للسيطرة على التعرق في هذه الأماكن وخصوصا في اليدين وفي الوجه . وفي بعض الحالات يمكن اجراء هذه الجراحة باستعمال المناظير .

وفي بعض حالات زيادة التعرق في منطقة الابط كان العلاج المقترح هو ازالة الغدد العرقية بالكامل بالجراحة كوسيلة للتخلص من المشكلة نهائيا ، ولكنها قد تترك آثارا ظاهرة على الجلد .

العلاج الأيوني الكهربي يفتح آفاقا جديدة

ومع صعوبة وخطورة وارتفاع كلفة العلاجات السابقة وعدم تأثيرها الفعال ، كانت هناك حاجة لعلاج أبسط وأكثر أمانا واقل تكلفة ، وتحقق ذلك بالفعل بظهور طريقة “العلاج الأيوني الكهربي” وهو العلاج الذي أثبت فاعليته وخصوصا في حالات زيادة التعرق في اليدين وهي الحالة الأكثر ظهورا وتسببا في احراج المريض . والعلاج الكهربي الأيوني يستعمل التيار الكهربي في السيطرة على التعرق الزائد ، وقد لاحظ تقريبا كل من جرب هذا النوع من العلاج أن تعرق اليدين يتوقف بعد 4-7 جلسات علاجية ، ويستمر هذا التحسن لمدة تتراوح بين شهرين الى ثلاثة أشهر يتطلب الأمر بعدها دورة تنشيطية أخرى من الجلسات العلاجية . وهو علاج يمكن تكراره حيث أنه مأمون ورخيص ويتم في عيادة الدكتور عماد صبحي بسهولة ويسر .

وهذا النوع من العلاج مناسب تماما لحالات تعرق راحات اليدين وباطن القدمين ، حيث تغمر اليدين في حوضين ويستخدم فيهما الماء العادي كمادة قابلة للتأين وتمر الأيونات خلال جلد اليدين أو القدمين عن طريق قطبين كهربيين مجهزين بطريقة معينة وقوة مناسبة . وبالرغم من أن أسباب فاعلية هذه الطريقة العلاجية غير معروفة على وجه التحديد الا أن الخبراء يعتقدون أنها تساهم في اغلاق فتحات التعرق في راحة اليد أو باطن القدم وبالتالي تقلل وتمنع خروج العرق من راحة اليد.

وخلال الجلسات العلاجية لا يشعر المريض بأدني احساس بعدم الراحة ، وتستمر الجلسة لمدة حوالي عشرين دقيقة لليدين أو القدمين ، وتكرر الجلسة كل يومين الى ثلاثة ولعدة جلسات قد تطول الى سبعة .

ويقول الذين جربوا هذا العلاج الأيوني أنهم تحرروا تماما من الحرج الذي كانوا يشعرون به في الماضي من اياديهم المبتلة بالعرق ، فهم الأن يمدون أياديهم بثقة الى مصافحيهم ناظرين الى عيونهم بابتسامة واسعة ، بدون قلق من بحث مصافحيهم عن منديل يجففون به أياديهم بعد المصافحة . وفي بدايات الاحساس بعودة العرق الى راحة اليد بعد 3 أشهر من العلاج فان زيارة أخرى للطبيب المعالج تكون أساسية لتأكيد الثقة المكتسبة والحرية التي ظفروا بها من هذه الحالة المحرجة التي لن تتوارى خجلا بعد الآن .



طيب انا اقتنعت بموضوع الايوانات دا
و ان شاء الله هجبرو لقيت دكتور عند ميدان الجيزه بيعملو هتصل احجز
وهروح باذن الله
بالكتير شهر كدا عشان علاجو 3 شهور فيعد معايا 5 و6 و7 شهور الصيف المحرجه دى وارجعلو تانى اعملها
ادعولى

لو حد سمع او يعرف حاجه يبلغنى خطوره او اعراض جانبيه
يكون بجد كتر خيرو مش متخيلين اد ايه الموضوع مزعج وخصوصا الايد

ايه ده كله ياحبيبتى ده بيبقى نقص فى فيتامين د وبيزيد بأكلات معينة وعلاج كبسولات فيتامينات وبس وبودرة وحاجات من دى مش كل ده دانا انتى خوفتينى اصل انا اختى وواحدة صاحبتها كدة بتعرق فى ايدها ورجليها وكشفوا وكان ده السبب مش الاسباب دى دانتى خوفتينى الموضوع سهل حبيبتى

لا مش بخوفك

انا كلمت العياده حالا وحجزت
بجد زهقت اوى



ومش طايقا


هي اختك عمملت ايه وجاب نتيجه ف اد ايه

والله حبيبتى مش عارفة بس انا هسألهالك حاضر بس حكاية الايونات والحاجات دى الموضوع مش مستاهل بدل ماتعملى حاجة تبوظى حاجة تانية روحى اكشفى وشوفى الدكتور هيقولك ايه وانا هشوف اختى عملت ايه والعلاج ايه وهقولك ربنا يشفيكى حبيبتى بس مش تقلقى الموضوع بسيط حبيبتى

ميرسي يا ايمى اوى
بس فعلا الموضوع ملوش علاج غير الجراحه وحقن الميزوثيربى

والايونات دى الحاجه الوحيده اللى مش بتدخل الجسم


مش عارفه اعمل ايه انابكلمك وانا غرقت اللاب بتاعى
عرق من ايدى

انا برضو ايديا ورجليا بيعرقوا حتى فروة راسى فى الصيف بنام بصحى اللاقيها زى مااكون غاسلة شعرى انا تعبت من الموضوع دا

بصي يا مريان

انا لسا جايا من عند الدكتور وعملت اول جلسه
والتانيه بكره ان شاء الله
بيقولى هحس بالنتيجه بعد رابع جلسه
يعنى ان شاء ربنا
يوم الاربع الجاى هحس بفرق

لو فعلا كان صادق هقولك عشان خساره الفلوس ونفسيتك

بس دعواتك بقا يا قمر

اخر الاخبار بقابعد التجربه طبعا لازم اقول لحبايبي عالنتيجه

فعلا انا جربت الجلسات الكهربيه دى
والحمدلله
خلصت خمسه وفاضل اتينين
والنتيجه بانت بعد الجلسه الرابعه
فعلا جميل بس مش هيدوم
هرجعلو تانى بعد فتره يعيد ليا عليها
واحتمال ابعت اشترى الجهاز دا لانو اوفر

بالنسبه للالم
محتمل

التكلفه
1500 ف سبع جلسات
كل ايد بتاخد عشر دقايق
يعنى تلت ساعه

النتيجه بعد الرابعه ولحد السابعه لو محتاجا اكتر هيعملى تانى
بيبقا فى احمرار خفيف ساعتها وبيقل


الحمدللله يا بنات
انا قلت اقولكو عالنتيجه وربنا شاهد بقا انا لقيت الموضوع دا بالصدفه وانا على جوجل

حلو جدا جدا الموضوع بجد رائع ربنا يكرمك يارب ويجيب نتيجه فعلا بيبقي رخم وفي الامتحانات كانت زميلتى من كتر العرق الورقه بتتغرق وتبوز يا عينى وتجيب مناديل كتير يارب تجيب نتيجه يارب معاكي ويكرمك علي مساعده باقي البنات يارب

ميرسي يا قمر
الحمدلله
انا شفت اللى صاحبتك شافتو واكتر
انا كنت بحس ان هى دى نقطه ضعفى كمان
بس الحمدلله

هو صحيح علاج موقت بس اهو الحمدلله ان فى علاج بدون جراحه وحقن وارف