هتطلقني؟؟؟؟؟؟!!!!!

هتطلقني؟؟؟؟؟؟!!!!!!

من كام يوم وانا كل شوية تتحكي قدامي حكاية واحدة جوزها طلقها من
كتر الغيرة


وشوفت فيلم عربي بتاع نجلاء فتحي وحسن يوسف النهاردة لما كانت
نجلاء فتحي مبهدلاااااااااااااااه بالغيرة


وكملت بمكالمة في اسامة منير واحدة اتطلقت بعد جوازها بــ 6 شهور
بسبب الغيرة


فحاسة انها رسايل ربنا بيبعتها لي علشان الم نفسي شوية وابطل اغير
عليك بالشكل المرضي دا


و الله بحااااااااااااااااااول .. بحاول استعبط على نفسي واقنع
نفسي ان الستات مش هتاكلك يعني


بس مش قادرة


بس سيبك من دا كله .. هو انت بجد ممكن تطلقني ؟؟


أياً كان السبب ممكن بعد ما روحنا طلعت علشان نتجوز ونعمل البيت دا
نتطلق ؟؟


ببساطة كده !! المصيبة اني قريت في كتاب شكلها باظت لعمر طاهر ان
الطلاق بالنسبة للاتنين المتجوزين عن حب


عبارة عن شكل جديد من اشكال الحب وممكن يحصل


انا مش متخيلة ان مهما حصل ممكن تفرط فيا


مش متخيلة انك بكل بساطة تقول لي انتي طالق


وكأنك بتقول لي ببساطة انا مش عايزك ولا عايز بيتنا ولا عايز
مسك و ماجد ولا عايز اكمل عمري معاكي


وكمان مش عايز تبقى ليا في الجنة وبكل بساطة متصور انك تكوني مرات
حد غيري وتعيشي معاه الاحلام اللي حلمناها سوا


بأحفادنا وببيتنا لما نعجز والحب اللي العالم كله هيحلف بيه


بجد مش متصورة ان دا ممكن يحصل


وعلشان كده كنت هصحيك من النوم اقولك انت ممكن تطلقني ؟؟


بس افتكرت .. انت مسافر في شغل ومش جنبي


فمسكت التليفون ولسة هطلبك بعدين افتكرت ان الساعة دلوقتي 3 الفجر


وافتكرت ان دا بالظبط اللي حصل للي اتطلقت بعد جوازها بــ 6 شهور


فلميت نفسي بصراحة


من كتاب
زوجي ما زال حبيبي

جمييييييييل جدا تسلم ايدك

تسلمي يا مشمشه

تسلمي يا قمر جميل اوي

ميرسي يا كليوباترا
ربنا يخليكي يا قمر

فعلا الواحده من كتر ما بتسمع وتبشوف بتخاف
فا لازم الحاجات دى متاثر عليها ومتقولهاش لجوزها يعنى متفتحش عينه على الحاجات دى الخيانه والطلاق وانه ممكن يعرف واحده تانيه
شكرا يا قمر

علياء
ميرسي يا قمر
كلامك كله صح فعلا
نورتي يا حبيبتي