يبقي أنت أكيد فى مصر

يبقي أنت أكيد فى مصر



* لما تلاقى واحد واقف الساعة 7 الصبح بينظم المرور ومش مستنى فى المقابل حاجة



* لما نجم الجيل فى هذه اللحظة العظيمة من تاريخ مصر يبقى عصام شرف مش تامر حسنى



* لما يبقى يوم الجمعة أوله ترانيم وبعد كدة صلاة جمعة وبعدها أغانى وطنية و كله فى مكان واحد



* لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال



* لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت



* لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه



* لما أبوك يسيب أخبار التلفزيون ويجى يقولك شوفلى الناس بتقول إيه على تويتر



* لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد



* لما الجيش يبعتلك مسجات أكتر من خطيبتك



* لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور



* لما أهلك يفتخروا بيك قدام الناس ويقولو ده مش بيقوم من عالفيس بوك



* لما العالم كله يتابع السباق الرئاسى فى مصر كأنه إنتخابات أمريكا



* لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين
وديه اكتر جمله عجبتنى مصر احلى بلد فى الدنيا
من ايميلي

جميل قوى يا كوكى وعجبتنى قوى
لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه
و
لما الجيش يبعتلك مسجات اكتر من خطيبك

تحفففففففففففففففففففففففففة
جميل اوي اوي اوي
فعلا يبقي انت اكيد في مصر

نورتونى يا قمرات بجد عجبتنى اللي كتبها لذيذ بصراحه يارب سلم مصر من كل سوء

حلووووووو اووووووى
تسلم ايديكى ياكوكى

حميله جدا جدا جدا ربنا يحمى مصر واهلها يارب تسلم ايدك

تسلموا ليه يا رب يا احلي اميرات ويحمي مصر يارب ووكل امتنا العربيه

ايوه عندك حق فى بتاعت نجم الجيل اساسا ده مش نجم جيل و الله

و الله العظيم تامر حسنى و الناس دى هى اللى مشوهه سمعة مصر

على العموم شكر احلى الموضوع الحلو يا احلى مديره