والله بحبك بس بستهبل

والله بحبك بس بستهبل

برغم انى وافقت على الخطوبة من غير ما يكون في بيننا اى ارتباط
الا انى بعد ما اتخطبنا اكتشفت ان قلبي كان بيحبك من ورايا
او يمكن لما عرفتك اكتر .. لما عرفت احلامك .. لما شوفتك ازاى بتعبر
عن مشاعرك
صدقك مع الناس .. وحتى رخامتك وهزارك

كل يوم عن يوم حبي ليك بيزيد

وكل يوم عن يوم بحسنا بنقرب من بعض اكتر

وكل ما اشوفك بحس انك زعلان منى او ع الاقل قلقان

حاسس اني مش بحبك قد ما بتحبنى
علشان انت دايماً تعبر عن حبك ليا

كتير اوى بتقولى كلام من روعته مش بقدر ارد

وكتير اوى بيبان عليك انك بتحبنى وانت خايف عليا

وانت بتحمينى

وانت قاعد عندنا في البيت وغصب عنك بتسرح فيا
والله انت لو تعرف انا بحبك قد ايه هتفرح اوى

انا بحبك وبفهم معنى كل كلمة وكل تصرف بتتصرفه
وبيبين قد ايه انت بتحبنى لكن بستهبل وبعمل عبيطة
ولو ركزت شوية فى تصرفاتي هتعرف انى بجد بحبك

لو شوفت قد ايه بتوحشني
وقد ايه بتكلم عنك مع اصحابي
ومع اخواتى فى البيت

كل كلمة بتقولها بتدخل قلبي ومش بتطلع

كل حاجة بتقول انك بتحبها غصب عني بلاقيها
حبيبتى

كل حاجة بتكرهها بلاقي حاجة بتنفرني منها

اكيد دا مالوش معنى غير اني فعلاً بحبك

لكن خايفة افتح قلبي

مش خايفة منك ابداً لأ

لكن خايفة ان ربنا يكتب علينا الفراق
لأي سبب

وكل حرف نطقناه يبقى ذكرى - رغم حلاوتها - بتعذبنا

بكرة نتجمع في بيت واحد وصدقنى هبطل
استهبال



من كتاب
زوجي ما زال حبيبي

حلوة جدا جدا

ميرسي يا نها
تسلمي يا قمر

ههههههههه حلو اوووووي

الكتاب ده جميل جدا بيحسسنى بالحب
تسلم ايدك

حلوة كتير كتيرررررررررررر

هو الكتاب ده فين هنا ف مصر
ومنين وبكام

ميرسي ليكوا كلكوا
يارب نعيش كلنا في الهنا والسعاده اللي ساره بتتكلم عنهم دول
بالنسب بقي للكتاب هو في مصر ولا لاء
هو في مصر
بس منين وبكام انا هاموت واجيبه اصلا
دي مقتتفات من المدونه علي النت