دويتو حل اوي

دويتو
... يا ايوب ايه صبرك
دا الصبر مشواره مرار
وان كان في حد يعرفك
ليه مشلش عنك وكمل المشوار!!!


.... سيبك من أيوب خليك هنا

دة زمانه راح وخلاص فنا

كلمة ادينى بقولها انا

اللى يصبر ينول حتى لو بعد مليون سنة

..........................................

..... مشيت ادندن في ليلة بكي عاتمة
لقيت دمع العيون يقولي اضحك بقا يا ابله
اخرة طريقك بانت متخافش من بكره
متقولش رايح فين وتغير الفكرة
رايح طريق الابد ونوتلك ع الهجرة



.... خليك فى الفكرة بلاها الهجرة

دة اللى يهجر مكانة

ممكن ميلقيش بكرة

ابتدى وحاول لجل ما تبقاش فى يوم ذكرى

.............................................

.... يا طيبة راح عصرك
يلا ارحلي وادخلي قصرك
اصل الي شافك قال ياني
هو العيب في اصله ولافي اصلك!!!



.... الطيبين هما اصل الحكاية

والطيبة مش عيب

بلاش تستعجل النهاية

خليك ماشى فى طريق الهيدايا

....................................................

.... ياصورة مرسومة قبلي
انا فيكي وانتي بعدي
موجودة لامتا تاني
صورة لغيري بعدي!!!




..... كل الصور موجودين

بس فى صور قاسية كلها انين

وفى صور حنين

عايز انهى صورة من الاتنين ؟

................................................


....... الحياة مشوار ان طال وان قصر
وانا بسعي وفي كل حاجة بختصر
ورغم المي في الهزيمة بنتصر!!!



....... حلو الكلام دة فيه شوية امل

بس ناقصه شوية عمل

لو مشيت فى الحياة حتشوف

حاجات كتير لا تحتمل

.....................................................


....... قالوا في السفر سبع فوايد
واما سافرت لقيت تمانية
هو العدد في الليمون
ولا عديت حاجات تانية!!!


...... اقولك انا على الفايدة الزيادة

مرار الغربة اللى طمعه بزيادة

واحساس بالالم على غير العادة

يخليك تعود لحضن بلدك الولادة

..............................................



....... لحظات مع نفسي اتوه
في سطر من قصصي
كلام كتير مكروه
والرك علي اسمي
طبعو الكتاب ونسوه
ولا نسيت نفسي




..... لو نسيت نفسك فى يوم

اكيد دة من كتر الهموم

ولو جريت جرى الوحوش

مسيرك حتفوق وتصحى من النوم

......................................................




..... رضيت اخبي وشي وامشي مفكرشي
عميت عيون الناس عني مبفهمشي
شوق الهوي لو ينطق للبعد مينصحشي
لكنه اخرس اصلا وع الشوف ميقدرشي



...... عمر الهوى ما اتخرس

دة القلب منه مهما اتقرص

بيفضل يدور عليه

حتى لو كان فيه اوجاع ولا مغص


...................................................




...... يازمن يا عنيد
انتا السبب في الهجر
ولا انا الي بليد!!!


...... انتم الاتنين السبب
ولا انت ولا هيا عليكم عتب
سيب الزمن يمشيكم
على أرض شوية دهب وشوية حطب


....................................................




...... بتعدي الليالي عادي
في لحظة وفي ثانية
وفي كل عام بيمر
بنعرف حاجات تانية
وبعد كتير بيوقف العمر
اه بنعرف ......
ولكننا ناس تانية!!!



.... دنيا ماشية بينا
رسينا او مرسينا
لازم نشوف وشوش قديمة وجديدة
منها اللى يضيعنا ومنها اللى يرسينا


......................................................


....... سهرنا في ليلة هوي نحكي ايامنا
ضحكنا فرح وشجن ونسينا احلامنا
ايه فاضل في الليالي منه نتمني
ماخلاص يليل فوتها وارحمنا
سيب النهار يشرق علي ايه هنستني
دا كل اللي راح لو يرجع اكيد هيهملنا




...... يا سيدى انسى اللى راح
فكر فى بكرة والافراح
ليه دايما ندور على الجراح
ونفضل سهرانين بليل ومحتارين فى الصباح


............................................................




......... كتبت اسمي علي رمل البحر
جت موجه
قولت كان نفسي يعيش لوشهر
قالتلي محروجة
من قلب ساعة ليا
والف مع موجه



...... البحر وموجه صحيح كلهم احساس
بس اكتب اسمك فى قلوب الناس
تفضل عايش عمرك ما تنداس
وطول ما انت فى وسطهم عمرك ما تحتاس

منقوووول

جميلللللله اوي اوي تسلم ايديكى

ميرسي كليوباترا