نصائح لكل بنت علشان حالات الاختطاف كترت وازاي تامني نفسك ضروري نظرا للاحداث الجاريه

نظرا لتعدد حالات الاختطاف وفى ظل الظروف الحاليه يرجى عمل
الاتى:

1-متركبيش تاكسى لوحدك ابدا ولا الصبح ولا بليل لاى
ظرف
2-المكروباصات متركبهاش وتكون فاضيه او كلها رجاله لان حصل اختطاف من
مكروباصات وكانت ماشيه فالخط لكن الركاب كانو تبع السواق
3-متمشيش لوحدك
فالشوارع الجانبيه سواء الصبح او بليل..وطبعا الشوارع الخاليه من الماره ابعدى عنها
تماماااااا
4-رجاء رجاء رجاء مش هقولك عشان خاطر ربنا بس هقولك عشان خاطر نفسك
انتى مش حد تانى اتخلى شويه عن اللبس الضيق واى حاجه تظهر او تبرز حاجه من
جسمك...معلش استحملى شويه وتعالى على نفسك الفتره دى
5-البنات اللى بتروح دروس
او كورسات بليل حصل حالات اختطاف من هناك ياريت لو ابتدائى او اعدادى او حتى ثانوى
حد يوصلها ويروح معاها من اهل بيتها
6-حاجه مهمه جدااا بقى لازم تتعمل..لازم كل
واحده تكون حاطه معاها حاجه في شنطتها حمايه ليها (صاعق كهربائى-اسبراى اللى بيتحط في
الشنطه-ساعه صاعقه - لو مش لاقياه او مش عارفه تشتريه اعمليه انتى فالبيت اشترى ازازه برفان بتاعت التركيب من
اى محل واعملى انتى المكونات وتكون طبعا حاميه جداا حطي شطه كتيره في الميه لو مش عارفه تشترى او تعملى
حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش
بهزر لان التركيبه بتاعتها مؤثره برده-اى وسيله لازم تبقى معاكى فالشنطه)
وتكونى
مستعده فاى وقت وفاى لحظه ومتخافيش محدش هيفتشك ولا هيقولك افتحى
شنطتك
7-بالنسبه للتاكسيات تانى متركبيش مع تاكسى ويكون فيه واحده راكبه معاه
لانها فالغالب بتكون تبعه
8-الناس اللى بتسافر سواء رجاله او ستات بقى حصل ان
بيلاقو عالطريق حد مرمى قدامهم فبينزلو يشوفوه وفجاه يتلاقو ناس طلعت من الجنب
ياريت تخلى بالكو كويس اوى
9-اخيرا طبعا النصايح العاديه محدش يقولك شيلى دى او
ساعدينى فدى او تعالى
امسكيلى حاجه الخ الخ الخ

وربنا يعدي الايام دي علي خير اميييييييييييين

ربنا يستر علي كل البنات ويحميهم من كل شر

engbobo كتب:ربنا يستر علي كل البنات ويحميهم من كل شر

يا رب يا حبيبتي

يااااااااااااااارب يا روان
والله انا مرعوبه بالذات اني لازم انزل كل يوم عشان اخلص امتيازي ربنا يستر يا رب ويحمي كل بناتنا واهالينا

mishmisha2 كتب:يااااااااااااااارب يا روان
والله انا مرعوبه بالذات اني لازم انزل كل يوم عشان اخلص امتيازي ربنا يستر يا رب ويحمي كل بناتنا واهالينا

خدي اختياطاتك بس يا مشمشه

يارب يا روان والله الواحد قلقان جدا ربنا يستر علينا ويحفظنا جميعا يا رب

ربنا يحميكى يا رورو ياقلبي بجد اللهي لسه كنت عايزه انزلها يارب يكرمك ويحفظنا جميعا يارب

جزاك الله خيرا...ربنا يسلم

ربنا يستر و يعدى الايام ديه على خير يارب
يا جماعه انتوا بتقولوا اعملوا انتوا المكونات فى البيت و مش بتقولوا خالص ايه هى اصلا المكونات
بليييييييييييييييييييييييييييييييييييييييييز ياريت تنزلوا المكونات فى موضوع لوحده عشان كل البنات تشوفه و ربنا يعدينا على خير من المحنه ديه ان شاء الله

mishmisha2 كتب:يارب يا روان والله الواحد قلقان جدا ربنا يستر علينا ويحفظنا جميعا يا رب

يارب يا حبيبتي