تنويه مهم للاميرات بخصووص الرسايل الخاصه

بقاءا علي قانون المنتدي يا احلي اميرات اللي انا عارفه ومتاكده ان كتير مش بيقراه في ناس اشتركت بغرض الاعلان في رسايل خاصه للعضوات وبعض الاميرات لسه مبلغانى ان وصلها رساله خاصه بانها بتعلن عن منتدي اخر وده ممنوع تماما في الرسايل الخاصه فارجو التبليغ عن اي رساله خاصه بالطريقه الاعلانيه ديه واعطائي اسم الاميره لاني تم وقفها فعلا وبيتحط علي اسمها زي السجن انها ممنوعه من المشاركه لان ده بيعتبر نوع من انواع الخيانه وعدم احترام لصاحبه المكان حتى مش منحقها تستاذنها للاعلان علي العموم انا معتمده علي الاميرات اللي بيحبوا المنتدي ويبلغونى مباشره باي اعلانات او رسايل غريبه من اى نوع لان فعلا موضوع الرسايل الخاصه ده والاعلان بالصوره ديه بيضايقنى جددا جدا فانا ارجو التبليغ واللي هتبلغ ليها 100 نقطه واولويه باذن الله في الا شراف للفترات الجيه حفاظا منا علي قوانين المنتدي يا احلي بنات

اللي عايزه تعمل اعلان ممكن تاخذ مساحه اعلانيه من المنتدي تعمل فيها
انما الشغل في الخفاء دا فعلا مش بحبه

صح يا رورو فعلا وكمان طلع منهم ولاد مسجلين باسماء بنات وبيبعتوا الرساله وعرضوا عليهم يبقوا مشرفين معاهم واصلا بعتوا ليه علشان يعمل اعلان وبسعر هايف معجبهوش ابو بلاش كتر منه ومجهود الناس اللي شغاله والفلوس اللي بتدفع انا مش هقولكم اد ايه لاننا دفعنا مبلغ كبير جدا لتجديد المنتدي وعلشان نقدر نستمر لازم مجهودنا يبقي ليه دخل علشان نقدر ندفع المبالغ المطلوبه فكده بياخدوا مجهود ناس حتى بدون الدفع
ومن هنا بقي انا بعمل عرض رائع لكل الاميرات عندي اوفي يكسب كل بنوته معانا اللي هتجيب اي اعلان في المنتدي هيكون ليها نسبه 50 في الميه يعنى الاعلان ب 100 هتاخد 50 كومشن و
ده عرض انا ملتزمه بيه زي المسابقه بالظبط باذن الله علشان نقدر نستمر يا قمرات

هحاول اشوفلك اعلان يا حبيبتي
وجزاكي الله كل خير علي العطاء

انا مستنياكم يا رورو كلنا نستفيد من شغلنا ونكسب من وقتنا اللي بنقضيه وباذن الله كمان نرجع المسابقات تتانى بس الدنيا تهدي وتستقر

ربنا يقدرك يا كليوباترا يارب ويجازيكى على مجهودك الرائع
انا حسيت من كلامك انك متضايقه جدا معلش لازم تقابلى حاجات من النوع ده ما فيش حاجه بتمشى تمام علطول خاصة ان الدنيا بقت مليانه بناس ما بتحترمش اى قواعد
ربنا يقدرك يارب و موضوع الاعلانات ده ربنا يجازيكى خير عليه
ياريت كل بنت عندها فكره زى دى لصالح المنتدى تطرحها

اه يا فطومه لا يا قمر واللهي مش مضايقه اصلها مش اول مره عادي لو كنت بضايق كنت مستمرتش بس انا حاسه اللهي ان تجمعنا ده عندي حاجه كبيره اوى وثواب ليتا كلنا ربنا ميحرمنى منه ابدا ونضيف ان شاء الله موضوع فرصه الشغل ديه لكل بنت تبقي خير لينا كلنا يارب اللهي انا برحب بالافكار ياريت كله يشارك يا اميرات ده اهم حاجه مشاركتكم ليه باذن الله بتسعدنى جدا

يعني الاعلان عن منتدى تاني ممنوع انا حطيت لينك في موضوع بناء على انك بتضيفي مواقع في المنتدى عادي ولا قصدك عالخاص بس عشان مش بيبان قولي لي ليكون غلط

لا يا ام يوسف حتى لو ممنوع علي الدنيا كلها لا طبعا مش عليكي ابدا ده في بنت بعتت مش من الواضحين في العضويات بعتت اعلان علي الرسايل الخاصه اشتركوا وانضموا لينا بعتت بس طبعا مش بتبعت ليكم كمشرفات بتبعت للعضويات فاهمه ازاى بتختار اسماء وتبعت ليهم مش اللي انتى بتقولى عليه وبعدين مسمح تحطيه كمان في التوقيع اللينك بتاع موقعك فى توقيعك حقك وانتى بتعملي اي موضوع تعلنى عن شغلك عادى حطى اللينك في توقيعك كمان يا ام يوسف بنات معانا كتير شغلهم حطينه كده لا يا حبيبتى مش موضوعك خالص ديه واحده بعتت لناس علي الخاص