طريقة الفتله بالصــــــــــور

نظراً لان فى ناس كتير طلبو منى طريقة عمل الفتلة بالصور قولت انزلها ليكم
يا جماعه
الطريقة دى للوش بس مش للحواجب عشان محدش يقول نمص وكدا عشان انا معنديش استعداد
اشيل ذنب حد
المهم ندخل فى
الموضوع على طول
نمرة واحد هنجيب بكرة الخيط وناخد منها حته كدا بطول دراعك

زى كدا



بعدين
نمسك طرف الخيط بصابعنا كدااا



بعدين نلف طرف
الخيط على صابعنا زى كدااااا



هنجيب الطرف
التانى



ونلفة على
صابعنا الابهام
وبعدين الصابعين هيبقو
مربوطين سوا من طرفين الفتلة زى كدا



طبعا ايد
لوحدها متنتفش اصدى متصقفش هههههههه هنجيب صباع ايدينا التانية
ونمسك
الفتلة من النص زى كدا



صباعنا دا بقى هنلفة كام لفة كدا بتاع خمس ست لفات

زى كداا



وبعد ما
هنلف خمس ست مرات هيبقى شكلة كدا هنجيب بقى صباعنا التانى مع الصابع الاولانى

علشان مساحة الفتح تبقى كبيرة
زى كداااااااا



كدا
الفتله تمام وجاهزة لانها تشيل الشعر وبقت شكل المقص بالظبط
هنبدأ بقى
فى تحريك الصابعين الى فيهم طرف الخيط كأننا بنفتح ونقفل المقص
بالظــــــبط
زى كدا



تقفى بقى قدام
المراية وتبدأى تشيلى
كمان الحركة دى مش بتوجع زى الحركة
العادية
منقووووووول للفائده

 

هههههه حلو اوي بجد وياريت فعلا ما نقربش للحواجب تسلم ايدك يارور يارب

ام يوسف كتب:هههههه حلو اوي بجد وياريت فعلا ما نقربش للحواجب تسلم ايدك يارور يارب

تسلمي يا حبيبتي منوره

حلوه اوى وممكن طرقه تانيه كمان تعملي دايره من الخيط يعنى تقصى الخيط وتمسكيه من الطرفين مع بعض وتلفي الخيط بعد ما تدخلي صباعين من اليمين ومن الشمالي وتليفي علي شكل 5 وافتحي الصباعين الشمال واقفلي اليمين والعكس رايح جي بس كده
حلو اوى اوى يا روروهحاول اصورلكم الطريقه التاينيه وانزلهالكم باذن الله

يا ريت يا كوكي تنزليليلنا الطريقه التانيه

أنا فاهمة طريقة كوكو دي تعملي بها لنفسك صح

تسلمى يا رورووووووو ياقمر حلو اوى وانتى كمان يا كوكيه نزلى الطريقة التانية اصلى حسيت انا بلف حوالين نفسى هههههههههه

تسلمو يا قمرات
انا مش بعرف اعمل لنفسي علشان ايدي شمال هههههه

أنا بعرف استعملها بس مش بعمل أصل أنا بحس إنها شديدة عالبشرة وأنا مش فيا أوي عمري ما عملت حاجة بس جربت التشقير ده حلو بس برده قالولي مش فارق معاكي فقلت أخليني كدة

انا فاهمة طريقة كليوباترا هيه نفسة الطريقة الاولى بس بدل ما تلفيها على صوابعك اربطى الطرفين مع بعض واعملى زى الطريقة الاولى انا مش عارفة اوصلكم الشرح بس لما كوكى تنزل الطريقة هتبان ههههههههه