كلمه للاميرات

اميراتى انا لاحطت ان المواضيع الدينيه التفاعل فيها بيكون قليل جدا وعلى العكس المواضيع اللى بتتكلم عن وصفات لاهتمامك بشعرك وبشرتك وجمالك انا مش قصدى بس فى عدد الردود ولكن كمان فى عدد مرات المشاهده مافيش مقارنه خالص
انا معاكم ان المواضيع دى مهمه جدا لان الواحده لازم تهتم بجمالها وتحافظ على نفسها وشبابها و دى من الدين ما فيش مشكله انا مش بنكر ده لان المرأه لازم تكون جميله نظيفه ومهتمه بنفسها عشان ترضى ربها وعشان تعف زوجها
بس كمان لازم نهتم بجمال الروح زى ما بنهتم بجمال الجسد وبعدين الجسم ده فانى لكن اللى باقي هو الروح
وغذاء الروح فى الدين
انا مش عايزه حد يزعل من كلامى و عايزه اقرا ردودكم عليه
ربنا يكرمكم يارب جميعا ويباركلكم ويجعلكم من اهل اليمين يارب

انا عارفه انكم عارفين الكلام ده بس انا قلت افكر نفسى بيه انا وانتم

اه واللهي فعلا عندك حق ربنا يكرمك كلنا تفاعلنا بيبقي قليل فعلا بنحب نتفرج وبس لا وعايزين كمان نعمل حاجات تثقيفيه ان شاء الله علشان يبقي استثمار لوقتنا اكتر ويبقي عندنا معلومات دينيه وثقافيه باذن الله هشوف حاجات كده ويارب نشجع بعض ربنا يكرمك يارب

فعلا انا كنت بفكر ان ما فيش قسم للمواضيع العلميه والثقافه العامه عايزين ننمى الموضوع ده عندنا عشان يبقى غذاء للجسد والروح والعقل

والله انا أمنيتي الوحيدة اننا نعمل صفحات تحفيظ ونفرتيتي طرحت الفكرة وانا وافقتها ومحدش شارك ياريت نعمل صفحة وانا مستعدة ايقى مسئولة عنها واسمع للاميرات

فاطمة الزهراء كتب:فعلا انا كنت بفكر ان ما فيش قسم للمواضيع العلميه والثقافه العامه عايزين ننمى الموضوع ده عندنا عشان يبقى غذاء للجسد والروح والعقل

لا موجود بس مواضيعه قليله اوى هنزودها باذن الله طول ماحنا مع بعض بنشارك بعض كده باذن الله هنطور كل حاجه
http://www.wasafatcleopatra.com/f138-montada هوه ده القسم اهه يا فطومه ان شاء الله اركز لكم عليه

ام يوسف كتب:والله انا أمنيتي الوحيدة اننا نعمل صفحات تحفيظ ونفرتيتي طرحت الفكرة وانا وافقتها ومحدش شارك ياريت نعمل صفحة وانا مستعدة ايقى مسئولة عنها واسمع للاميرات

بجد فكره تحفه طيب فهمينى هتبقي ازاى هعمل جزء للتحفيظ في القسم الدينى واعملك مشرفه عليه بس فهمينى اكتر واعمله ليكي من عنيه حالا

اسم القسم صفحة التسميع اللامنهجي يعني كل أميرة هتخار السور اللي هتحفظها هعمل موضوع مثبت اللي عايزة تشترك تسجل السور ويوم التسميع وكمية الحفظ وأنا أعملها صفحة بالبيانات

انا كنت حافظه نصف القران ومعدتش فاكره غير ايات وابص اكمل الباقي علشان اعرف بجد زعلانه جدا من اني نسيت كل حاجه

ان شاء الله يارورو لو جيتي تحفظي كأنك بتحفظي من جديد هتلاقيكي فاكرة وهتحفظي بسرعة ومعدتيش هتنسيه باذن الله