مش عايزة من ده

مش عايزة من ده يا حزومبل مش عايزة من ده
---------------------------------------------------

أيوه مش عايزة أعيش أحاسيس لسه وقتها الصح مجاش

مش عايزة حد يتحكم في مشاعري و في حياتي تحت مسمى "مرتبطين"
و يحسسني أنه بيخاف عليا .. مع أنه عنده شيزوفرينيا لأنه ميقبلش كده على أخته بس يقبله عليا بحجة أنه معايا فمخافش منه

مش عايزة واحد مبادئه بتتجزأ .. الراجل اللي بجد كلمته واحدة و مشاعره واضحة

مش عايزة واحد أناني .. و يخليني أكلمه في السر و أخبي على أهلي و أخسر ثقتي في نفسي و أهلي و أصحابي و قبلهم أخسر علاقتي مع ربي

مش عايزة واحد ميخافش على سمعتى قدام الناس

مش عايزة واحد عاااادي .. عايزة راجل مش عاادي
بيعمل كل حاااجة في النـــــــــور مش خايف من حد إلا ربـــــــه طالما بيطيعه أصلا هيخاف من إيه

أنا عايزة بركــــة ربنا في كل حاجة في حياتي

خليكي مش عاديـــــــــة عشان تستاهلي واحد مش عادي

اتقي ربنا في نفسك دلوقتي عشان تلاقي ثمرة ده بعدين لما تلاقي زوجك بيتعامل معاكي بما يرضى الله

واحدة صاحبتي دايما كانت بتقول عمالين نتمنى أزواج صالحين
بس عمرنا ما فكرنا .. طيب هو أنا أستاهل الزوج الصالح ده و لا لأ
بنتمنى كتيــــــــــــــــر بس مبنعملش

تيجي تنوي معانا تكون كل حياتك في النــــور متستخبيش من حد
راعي ربنا في قلبك الجميل ده عشان يبعتلك هدية و تحسي أحاسيس الحب الجميلة بس في الحــــــلال

حافظي على قلبك و نفسك و راعي ربنا عشان لما يبعتلك نصفك التاني تحسي بالبركة بتحوط حياتكم

ربنا يحفظ علينا قلوبنا و يجعلنا له كما يحب و يرضى
ربنا يحفظ كل بنات المسلمين ويجعلهن صالحات ليرزقهن بالازواج الصالحين امين يارب العالمين

جميل جميل جميل بجد فوووووووووووق الروعه ربنا يكرمك بجد

حلو اااااااوي بس هي هي المشكلة (البنات المسلمين)ياجدعان في ناس تانية عايشة معاكم والمفروض تدعولها برضو ولا اية هو انا لما بدعي بقول يارب خليك مع المسيحين ..كلمة مش منطقية اصلا

جميلة جدااااااااااااا
تسلم ايدك وبارك الله فيكى يا قمراية

حلوة قوي تسلم ايدك يا قمر

جميل :flower:

اللهم ارزق بنات المسلمين راحة فى قلوبهم وبالهم وارزقهم ازواجا صالحين وذريه صالحة وارزقهم الرضا بما قسمت لهم يا الله