انا عايزة اتجوز !!!!

انا
عايزة اتجوز,,,بقولها بكل جوارحى ايوة انا عايزة اتجوز واعيش الاحساس اللى
كل بنت بتحسه,,,انا عايزة اتجوز عشان الاسباب اللى كل الناس بتقولها
واولها الاستقرار,,,بس انا عايزة اتجوز عشان اسباب تانية خيبانة
شوية,,,ومحدش عايز يقولها ولا يعترف بيها بس انا قررت اعلى صوتى واقولها
عشان خلاااااااااااص انا عايزة اتجوز.

انا عايزة اتجوز,,,,,,,,,,عشان
يكون ليا علاقة مع الشخص اللى بحبو علاقة من نوع معين نوع دينا واخلاقنا
واجتماعيتنا بتمنعه قبل الجواز وبعد كتب الكتاب,,,ايوة انا عايزة اتجوز
عشان العلاقة الكاملة انا عايزة اكمل نص دينى عايزة اتجوز عشان اعيش حياتى
من غير ضغط نفسى.

انا عايزة اتجوز,,,,,,,,,عشان
اكون مركز اهتمام الناس حتى لو لفترة قليلة عايزة يبقا اسمى “العروسة”
ايوة,,وابقا العروسة راحت العروسة جت,,يلا نروح نبارك للعروسة,,يلا نجيب ده
للعروسة,,ريحى نفسك ياعروسة,,ايوة ما انا العروسة.

انا عايزة اتجوز,,,,,,,,عشان أعد على الكوشة والناس تتهافت عشان تصورنى وكل الانظار تبقا عليا.

انا عايزة اتجوز,,,,,,,,,عشان
اعد بعد جوازى بتاع اسبوعين تلاتة مردش على الموبيل والناس وصحابى تسأل
مبردش ليه؟؟ اه مهى عروسة واعد بتاع شهر مدخلش على الفيس بوك ومع اول ستيتس
اكتبها 41 بنى ادم يعملى كومنت و50 لايك وياسلام مع اول صورة للهانى مون
هلاقى 70 كومنت مع انى فى الاول محدش كان بيعبرنى .

انا عايزة اتجوز,,,,,,,,,عشان
صحابى اللى متجوزوش يعدوا مع نفسهم كده ويفكروا ياترى هيا بتعمل ايه دلوقت
مع جوزها ياترى نايمين ياترى بيتفرجوا على التيليفزيون مع بعض ياترى
بياكلوا ياترى ب…..؟

انا عايزة اتجوز,,,,,,,,,عشان
اغيظلى كام بنت وتتمنى تبقا زيي ولما صحابى يجو يباركولى يغيروا منى ومن
جمال بيتى وشياكته ومن جمال الاطباق اللى قدمتلهم فيها , ويلاقونى لابسة
حاجة كده مفتحة حاجة مش بناتى بالمرة.

م محتاجة نباهة انا اكيد حسيت وغيرت واتغاظت ونفسنت وفكرت فى كل الحاجات دى وعشتها مع كل واحده اتجوزت حواليا

بس انا مش شريرة ولا حقوده على فكرة

انا بس مستغربة ونفسى اعرف اجابة لكام سؤال بيدوروا جوايا:

هل الطبيعى انى اتأخر فى
جوازى واشوف حواليا بنات كتير بتتجوز ومتأثرش؟ هل طبيعى انى مغيرش من اى
بنت تتجوز وتعيش حاجات كتير انا نفسى اعيشها؟ هل طبيعى انى ابقا ملاك و
مبسوطة وبتمنى الخير لكل الناس تحت تأثير الضغط ده كله؟

انا مااااااازلت متأكده ان كتير هيعلقوا وينكرو ويقولو انى غريبة وانى ياااااااي وهما عارفين ان جواهم دارت نفس الافكار وبيخبوا.

بس اناعااااااااااااااايزة اتجوووووووووووز



بقلم / سلمى المنصورى
لا تنسوني بالتقيم ربنا يرزقكم بالعريس الهني الغني