حكايتي معه.. عفواً بل معركتي معه

30.05.11 18:36

حكايتي مــــــــعــــــــــه
عفواَ .. بل معركتي معه

لم أره منذ زمن بعيد..
ما يقرب من خمسة اشهر او يزيد...
...و هذا لا يحزنني أبداً
بل بالعكس.. فــ أنا اتمني ان لا أراه أبدا ف حياتي
لأن ببساطة كل مرة أراه فيها أتلخلط و ببقي مش عارفة أعمل ايه ..!!!!!!!!!
و ساعات كتيييييييييير أصرخ بصوت عالي و تصيبني حالة من الهلع و الرعب ..

((بكرهه يا ناااااس و الله))

المهم
أنا شوفته امبارح

كنت قاعدة فـ امان الله ..بقرأ قرآني بالليل ..كانت حوالي الساعة 2 قبل الفجر..

كل اللي ف البيت طبعا نايم ..و الجو هاااادي خالص .. مفيش غير صوت المروحة المزعج اللي عامل بالظبط زي صوت الغسالة D:D:D:

فـ البداية ...

سمعت صوت همس !!!!!!!!
ما انتبهتش له ف الأول
لكن الصوت استمر !!!
قلت لأ .أكيد فيه حاجة؟

بصيت حواليا ..
و يارتني ما بصيت ..!!

لقيته قصادي ..

واقف عند الباب بيتمايل و فرحان ..

ما هو بيغظني و متعمد يدخل عليا اوضتي و انا لوحدي ..

و طبعاَ اول ما شوفته
اتخضيت و وقمت منفوضة من ع الكرسي مرعوبة منه و حطيت إيدي علي قلبي و قولتله بصوت عالي

:يخربييتك انت ايه اللي جابك هنا ؟؟؟؟؟؟؟

فضل واقف مكانه بيتمايل وفرحان و لا كأني قلتله حااجة خالص
و انا واقفة مطرحي و مش قادرة اتحرك م الخووووووووفو الرعب اللي كنت فيه ..
حاولت افكر اعمل ايه معاه ده ..؟؟
و لما لقيت الشتيمة مس محوقة فيه
قلت بس ..ألجأ لسلاحي التاني

ألأ و هو الضرب

ما هو لازم ينضرب عشان يحرم يدخل بيتنا تاني هو و أهله و أصحابه...

و لقيت شبشبي حبيبي ف انتظاري ..

و لسه بوطي ع الارض عشان اجيب الشبشب ..

لقيت المخفي اللي عند الباب حس باللي كنت هعمله فيه..
و فضل يجري ف الأوضة يمين و شمال.. و رحت انا بقي مصوتة و معلية صوتي..

و لكن هيهات.. ده كل اللي ف البيت نااااايم

و عاوزة أقرب منه عشان أضربه بالشبشب ضربة رجل واحد....

ولكن منه لله كان بيتحرك بسرعة رهيبة ....

: "وبعدين معاك بقي انت قرفتني..أنا لازم ألاقي حل معاك "

طبعا لم يجيبني..!!هو فقط يغيظني بحركاته ..ده اللي بيقدر عليه

اخذت ألملم نفسي ..و استجمعت قوايا.. و اقتربت منه..

و بشويش بشووووووووويش

و بالشبشب

و طاااااااااخ خ

ايه ده دي مجتش فيه
طيب
كلاكيت تاني مرة

و بنفس الشبشب

طاااااااااااااااخ
برده لأ
كلاكيت تالت مرة
طاااااااااخ

الحمد لله
جت فيه المرة دي

و قتلتك يا صورصار يا معفن
عشان تحرم تدخل أوضتي تاني

لأ كمان خلت النمل ييجي يشيل جثته المقرفة

31.05.11 12:27

31.05.11 16:29

ههههههههههههههههههههه افتكرته عفريت ههههههههههههههه تسلمى يارب بس لذيذه اوى اوى ميستاهلش الا الشبشب فعلا

حكايتي معه.. عفواً بل معركتي معه

حكايتي معه.. عفواً بل معركتي معه

رد: حكايتي معه.. عفواً بل معركتي معه

رد: حكايتي معه.. عفواً بل معركتي معه